關係越來越陌生

erics1b
|
自從有小朋友之後,老婆全職湊小朋友,我同老婆變得好似好陌生咁,平時想攬下佢,都叫我死開唔好阻住佢做野,更加唔好話做愛,而家每個月做一次,好似出糧咁,冇花紅,冇雙糧.....次次都話累,感覺好似避開我咁....唉...講真我放工都有幫手做家務,都冇話坐定定等食,其實我都好累的.....值到我真係頂唔住發爛渣先會主動攬下我或者同我做,但咁樣好無引囉,久而久之我而家都唔會為呢d野發皮四,好似心淡左咁......點樣可以好似返左去拍拖既時候咁,大家有講有笑又有做..........而家勁無奈......點解會咁..有時我諗,佢會唔會有外遇呢?!定是不再愛我?!傾又傾過,鬧又鬧過,仲可以點?
skac
|
小朋友幾大?你太太平時係咪全個人只focus on 個小朋友身上?外遇我諗未必,因為湊個小朋友已經太忙。其實ftm 生活轉變太大,如果冇工人,基本上係好辛苦。我諗佢都可能察覺呢個問題,又或者覺得你返工大晒咩,我湊小朋友24hrs 冇day off 咪仲辛苦。。。我覺得你呢個case 係一般有咗小朋友後嘅夫婦會遇到嘅問題,再多d 溝通就夠了。
20150618bb
|
erics1b 發表於 19-3-2 14:31
自從有小朋友之後,老婆全職湊小朋友,我同老婆變得好似好陌生咁,平時想攬下佢,都叫我死開唔好阻住佢做野 ...
可能你想得太多
ernbe
|
小朋友幾大?
erics1b
|
skac 發表於 19-3-2 15:26
小朋友幾大?你太太平時係咪全個人只focus on 個小朋友身上?外遇我諗未必,因為湊個小朋友已經太忙。其實f ...

小朋友已經小學2年級了,我都知湊小朋友係辛苦,係會好累,我都體諒她但我工作都一樣會累,又怕孭鑊,又怕俾人鬧,又成日加班開通頂,我都好大壓力,正所謂手停口停,就算幾難忍都要忍,我自問都有幫手分擔家頭細務,洗碗,洗衫,拖地,摺衫。唔通真係做愛咁累?唔通真係連攬幾十秒都冇時間?

cherriesit
|
erics1b 發表於 19-3-2 16:24
小朋友已經小學2年級了,我都知湊小朋友係辛苦,係會好累,我都體諒她但我工作都一樣會累,又怕孭鑊,又怕 ...

感覺佢好似已經唔愛你了
beautytiny
|
1. 請工人
2. 製造機會二人世界
3. 執下自己,整齊靚仔啲
4. 送下小禮物或驚喜

ernbe
|
erics1b 發表於 19-3-2 16:24
小朋友已經小學2年級了,我都知湊小朋友係辛苦,係會好累,我都體諒她但我工作都一樣會累,又怕孭鑊,又怕 ...

好累的話,試試幫老婆按摩?
LoveFamily
|
erics1b 發表於 19-3-2 16:24
小朋友已經小學2年級了,我都知湊小朋友係辛苦,係會好累,我都體諒她但我工作都一樣會累,又怕孭鑊,又怕 ...
唔好咁樣諗啦!你們現在的情形正如早年我和C6一樣!
坦白講作為一個FTM真係好攰,除咗買餸煮飯、洗衫掠衫摺衫、洗地拖地、照顧小朋友,整個家的事務也全要孭上身;如小朋友不舒服或生病更連精神也繃緊;還要面对99的挑剔、應酬小朋友同學家長、學校家校活動、同小朋友温習、帶出帶入興趣班……重有日日都係做同樣事,感覺完全沒有了自我!以前自己是工作狂,雖然攰,但有成功感、滿足感當然還有實質的金錢回報;但轉為FTM,毫無自我,工作日復一日重複着,雖然C6有幫忙少少,但他給我的感覺像是皇恩浩蕩,加上在他的眼中家裏的一切都只是輕而易舉的事,老婆會有幾辛苦呀!
晚上難得可放鬆,身心已疲累,那還有性慾?如C6有需要,勉為其難來配合,但心裏只覺C6只求歡愉及自私;日復日心裏便有委屈及對C6有埋怨!

你每天下班回家除了幫忙外,有否在言語上作出體諒或安慰或感激太太的說話?

有時男士的幫忙是幫倒忙,例如:我C6拖地只會拖着眼地方,厨房廁所沒拖;洗碗只用水過,碗筷仍是油淋淋的…,我情願他不幫好過幫!

還有在教導小朋友上你們是否相同?這也是一個導火線引致大家情緒上產生負面情況!

一句感激的說話對男士來說可能很難說出口,但我肯定太太們聽到一定窩心!

試試每天回家對她說:今天辛苦你了,有甚麼我可以幫忙啊!

相信我,就算她說沒有,心裏也會感激你的!
吃飯時給她夾點餸吧,一些小動作也會令她感受到你的愛!

給她點時間吧,始終現在小朋友是首位,你要有耐性緊守第二位,必有勝出的一天!

erics1b
|
LoveFamily 發表於 19-3-2 18:26
唔好咁樣諗啦!你們現在的情形正如早年我和C6一樣!
坦白講作為一個FTM真係好攰,除咗買餸煮飯、洗衫掠衫摺 ...

攞出黎再傾又得個嘈字,為做而做大家又冇引,所以就逐漸變成而家咁樣,一個月一次,又唔係完全冇,但其實點解唔可以2公婆都彼此體諒,要照顧小朋友有辛苦之處,我要擔起成頭家,我亦都有我嘅難處,其實我都係想大家親密啲唔好令到關係咁疏遠,人生漫漫長路點樣行落去
koalachan2002
|
erics1b 發表於 19-3-2 18:52
攞出黎再傾又得個嘈字,為做而做大家又冇引,所以就逐漸變成而家咁樣,一個月一次,又唔係完全冇,但其實 ...

以上呢番說話,你平心靜氣同佢講,唔好嘈,同佢解釋,好多女人生完BB,好多時會focus係個細到,同埋賀爾蒙轉變調唔返過黎,你一定要溝通,慢慢講出你感受同期望點樣,你解釋你都有為左家庭付出,亦都愛你同小朋友,除左身體需要仲話比你知係愛你,祝成功
ernbe
|
erics1b 發表於 19-3-2 18:52
攞出黎再傾又得個嘈字,為做而做大家又冇引,所以就逐漸變成而家咁樣,一個月一次,又唔係完全冇,但其實 ...

要多溝通才會關係好
你們有沒有傾談的時間或習慣?
pretty_cat
|
搵1個機會同佢2人世界,慢慢傾,先叫佢冷靜聽你講下,唔好嘈住,

有時做媽咪,我咁,係我唔得閒趕頭趕命時攪攪陣我實叫佢死開,哈哈。

過後見佢唔開心會解釋番。

如果老婆都係無心改,就可能有d野
但如果唔識點改又另一回事,唔識唔代表唔想改
erics1b
|
pretty_cat 發表於 19-3-2 20:59
搵1個機會同佢2人世界,慢慢傾,先叫佢冷靜聽你講下,唔好嘈住,

有時做媽咪,我咁,係我唔得閒趕頭趕命時 ...

其實真係唔明咁忙咁辛苦但又可以抽時間應酬其他人,之後返到屋企又話好攰,咁點解唔可以將陪其他人嘅時間同精神留俾自己老公呢? !難道我是可以被忽視嗎?
erics1b
|
pretty_cat 發表於 19-3-2 20:59
搵1個機會同佢2人世界,慢慢傾,先叫佢冷靜聽你講下,唔好嘈住,

有時做媽咪,我咁,係我唔得閒趕頭趕命時 ...

其實而家行埋既時候變得尷尬,所以我先至覺得關係越來越陌生,我可以點樣改變呢個應覺
HOPEFORBB
|
回覆 erics1b 的帖子

你言下之意,你就只有返工同放工返屋企,你係唔會同其他人如朋友聚聚?



erics1b
|
HOPEFORBB 發表於 19-3-2 22:10
回覆 erics1b 的帖子

你言下之意,你就只有返工同放工返屋企,你係唔會同其他人如朋友聚聚?

我有但不多,大約一個月一次左右
Nancy20090615
|
無乜建議, 保持住一个月一次吧, 連一次都無就重衰.
HOPEFORBB
|
回覆 erics1b 的帖子

咁,你意思即係佢好多?我自己唔係FTM,我都會約朋友,我覺得FTM 更加需要,佢一日24小時都係係屋企,你返工至少有八至十小時唔係屋企,至少有返自己
好多時女人做咗媽媽後,性真係奢侈,雖然你話你有幫手,我諗你可能要同佢傾吓,你所幫手係”幫到忙”定”幫倒忙”,我C6都有幫忙,但有時我都會覺得佢所幫唔係我想要的standard,跟住仲要我再執,我就會好似上面JM所講,真係唔幫好過,你的情況,我覺得你太太係對你有不滿,不過佢無開聲講。

講真做FTM係好大犧牲,好多時更會失去自己,因為佢地係會以小朋友,以家為先
momojai
|
學樓上咁講,哄佢多d,讚佢多d,比d驚喜佢,話唔定佢會重拾拍拖感覺呢,其實一個女人又可嘗唔想回到拍拖時,會唔會係你有野令佢唔滿意?

我都係ftm,我老公都曾經以為我有外遇(emoji)
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽