少年成長

跳至

首頁
1

尾頁
   2


子爵府

積分: 10859


發表於 19-3-3 10:04 |顯示全部帖子
本帖最後由 csir3290 於 19-3-2 23:47 編輯

唔知有冇發覺香港好多家長好在意發展自己仔女嘅興趣,幫佢哋報好多唔同嘅興趣班排到啲時間密密麻麻,只要仔女肯參加而家長又覺得有用就多多錢都肯畀。但係我發覺家長好在意自己仔女嘅興趣,但係對於自己嘅興趣又好似冇乜所謂唔係好在意。
如果我哋問啲家長自己有啲咩興趣,可能好多時啲家長都會話湊仔女已經好忙,仲邊有時間吖!甚至係話佢嘅興趣就係自己嘅仔女,佢要全心全意照顧自己嘅仔女仲邊度得閒搵自己啲興趣呢?我覺得正正就係因為家長將所有嘅精神同時間都放喺自己嘅仔女身上,反而會同仔女產生多咗磨擦。因為將所有嘅精神都聚焦咗喺自己嘅仔女身上,咁就會好容易睇到一啲唔順眼嘅地方,見到唔順眼就梗係要想佢哋改所以磨擦就可能係咁樣發生。而且到啲仔女大個啲就可能會覺得家長嘅眼光好窄,好多嘢家長都唔識或者唔知道,所以就會少咗話題同家長傾。

我好記得當我個大女未出世嘅時候,我老婆都已經講過話佢點都唔會全職留喺屋企湊仔,佢話佢點都會繼續出嚟做嘢,因為佢話擔心如果淨係喺屋企湊仔會同個社會脫咗節,唔知個社會發生啲乜嘢,同埋要佢成日喺屋企對住仔女 就會好容易見到啲仔女唔好嘅嘢而發生磨擦,人都可能暴燥咗,所以我老婆從來都冇諗過做全職媽媽。正正就因為可能我同我老婆都要返工,放工返到嚟阿仔阿女全日都冇見過我哋,我哋都會特別珍惜一齊相處嘅時間。所以就算係全職嘅家長都好都應該要有自己嘅興趣將自己嘅精神時間分散一啲。而且家長有自己嘅興趣亦都肯擺時間落去發展自己興趣嘅時候,亦都可以畀細路仔一個榜樣亦都可以同埋細路仔一齊參與,增加親子互動嘅時間。

其實我係一個好多興趣嘅人鍾意打羽毛球,又鍾意游水,睇戲又鍾意收藏玩具,總之興趣多多。 雖然我有咁多興趣,但係我唔會少咗時間陪我對仔女,因為我自細開始就已經培養對仔女同我一齊發展呢啲興趣。就係因為我興趣多多,所以唔會缺乏同仔女嘅話題,好多嘢都可以一齊傾一齊玩一齊睇,反而更加多親子時間。所以我覺得家長有自己嘅興趣係好緊要,當我哋好在意發展仔女嘅興趣嘅時候其實都唔好忽略咗自己嘅興趣。


伯爵府

積分: 18976


發表於 19-3-3 13:00 |顯示全部帖子
回覆 csir3290 的帖子

好認同樓主睇法。
但要搵到啱自己學既興趣,都唔太易。

好多都係晚上先有,一係就太遠。唔太啱我日頭得閒既時間。

但都好認同,樓主觀點,家長都應有,自己興趣,唔好成日圍住仔女氹氹轉!


子爵府

積分: 10859


發表於 19-3-3 20:46 |顯示全部帖子
回覆 Whitechocolate 的帖子


子爵府

積分: 11718


發表於 19-3-15 17:14 |顯示全部帖子
回覆 csir3290 的帖子

我同你太太諗法一樣,我女已經16歲,仲跟緊我去旅行去玩,我地一齊游水,浮潛,玩水上活動,成日在家樓下打下排球,藍球,滑板車,....好開心GA. 其實一齊玩係好好的親子活動,增進感情好有效


子爵府

積分: 10859


發表於 19-3-15 23:43 |顯示全部帖子
回覆 pigmei 的帖子



子爵府

積分: 12651


發表於 19-3-18 10:46 |顯示全部帖子
同意樓主!我都覺得跟得仔女太貼會睇倒好多吾順眼嘅嘢,跟住又忍唔住話佢。
我都努力緊,有時夜晚自己出下街添!


子爵府

積分: 10859


發表於 19-3-18 20:06 |顯示全部帖子
回覆 gilgil39 的帖子


首頁
1

尾頁

跳至