男人係咪有period?無啦啦都可以燥底

人妻一號
|
男人係咪有period?明明夜晚都好地地,沖完涼我入房吹頭,佢係廳睇電視,我吹吹頭見到佢熄廳燈,我就大叫出去唔好熄燈住,我一陣要收衫(衫掛左係廳)其實好正常,我係房,如果唔大叫佢就聽唔到,之後佢就黑我面,佢仲話我大反應,燥我底,我超無奈,又搞到大家唔開心咁訓,唉。
人妻一號
|
人妻一號 發表於 19-3-5 01:58
男人係咪有period?明明夜晚都好地地,沖完涼我入房吹頭,佢係廳睇電視,我吹吹頭見到佢熄廳燈,我就大叫出 ...

岩岩仲嘈緊話我惡佢,真係衰到無人有,我話你聽到D咩?佢話聽到我惡佢,我話我無惡,只係驚你聽唔到,所以大聲叫出去,佢話咁當無野囉,我覺得好似比佢屈左咁,好唔開心,真係我唔岩嗎?成日都因為呢D小事格硬嘈,我真係好累(emoji)
做個靚太
|
算啦~好小事!
係佢角度,佢覺得你惡,係你角度,你覺得自己唔係惡~你兩個都無錯個喎!
係好多男人眼中,女人大聲係代表惡,我老公都有咁講過,所以有時我都索性唔出聲,佢熄燈,我要用咪開番囉…
為啖氣嬲親自己唔抵呀!
crystal媽咪
|
人妻一號 發表於 19-3-5 02:46
岩岩仲嘈緊話我惡佢,真係衰到無人有,我話你聽到D咩?佢話聽到我惡佢,我話我無惡,只係驚你聽唔到,所以 ...

本帖最後由 crystal媽咪 於 19-3-5 09:40 編輯

我好少出聲,通常用眼神。 譬如沖完涼要開抽氣或拉開啲浴簾, 佢沖完涼我就會望佢嗰個位置咁佢就會記得
男人好怕女人多嘢講或者大呼小叫
Nancy20090615
|
熄左咪開番囉, ,使乜沖出去大叫呀?
Miss.Hui
|
明明好小事,佢都幾敏感喎...
人妻一號
|
做個靚太 發表於 19-3-5 09:02
算啦~好小事!
係佢角度,佢覺得你惡,係你角度,你覺得自己唔係惡~你兩個都無錯個喎!
係好多男人眼中, ...

唉,真係唔抵,成晚搞到自己又喊又唔開心,覺得係屋企講少少野都講錯,好唔自在
人妻一號
|
crystal媽咪 發表於 19-3-5 09:39
本帖最後由 crystal媽咪 於 19-3-5 09:40 編輯

我好少出聲,通常用眼神。 譬如沖完涼要開抽氣或拉開啲 ...

下次我諗我都選擇唔出聲
人妻一號
|
Nancy20090615 發表於 19-3-5 09:47
熄左咪開番囉, ,使乜沖出去大叫呀?

我係間房到叫出去,我吹緊頭又怕佢聽唔到,我吹完頭出到去,佢就話我喇
人妻一號
|
Miss.Hui 發表於 19-3-5 10:49
明明好小事,佢都幾敏感喎...

我覺得好小事,咁都搞到大家咁唔開心,
哎交哎過夜好辛苦
Nancy20090615
|
本帖最後由 Nancy20090615 於 19-3-5 12:24 編輯
人妻一號 發表於 19-3-5 11:30
我係間房到叫出去,我吹緊頭又怕佢聽唔到,我吹完頭出到去,佢就話我喇
...

從我仔女朋友身上我觀察到, 識嗲男人/老公係好緊要.

睇你舊 post, 你婚後唔煮飯只清潔, 佢包晒屋企開支你要佢另比 3K 你, 你除左返工就係做下 facial/運動, 完全唔覺你有点 take care 个老公, 講番清潔, 唔結婚都係要清潔架喇你自己屋企, 所以唔會清潔加到分比你, 二人家庭唔煮飯有乜清潔, 咪掃下地, 洗衫熨衫, 換下床單咁大把.

不過, 你好似話佢媽寶, 工作又日對夜對對到厭, 咁其實你地對住都係辛苦.
點評
tansyneko    發表於 19-3-5 13:19
人妻一號
|
Nancy20090615 發表於 19-3-5 11:42
從我仔女朋友身上我觀察到, 識嗲男人/老公係好緊要.

睇你舊 post, 你婚後唔煮飯只清潔, 佢包晒屋企開支 ...

我宜家已經一星期幾日約朋友同返娘家,盡量想少D時間同佢接觸,一星期得返二日左右一齊回家,咁都搞到唔開心
Nancy20090615
|
本帖最後由 Nancy20090615 於 19-3-5 12:45 編輯
人妻一號 發表於 19-3-5 12:30
我宜家已經一星期幾日約朋友同返娘家,盡量想少D時間同佢接觸,一星期得返二日左右一齊回家,咁都搞到唔開 ...

問題就咁聽你講唔覺你有邊方面 take care 佢, 一個佢負責開支的屋企, 好似得番黎瞓咁, 唔知你地房事點, 房事都弱, 尼段關係真係難 keep. 你地平日一 dd sweet 都無, 成世點維繫? 重話生 B, 真係唔好生住.

雖則話你一星期剩兩日對住佢好似好些對你黎講咋, 但男人經常獨處好危險. 你好似話之前係拍左十年拖, 你地婚姻好似為結而結.




人妻一號
|
Nancy20090615 發表於 19-3-5 12:41
問題就咁聽你講唔覺你有邊方面 take care 佢, 一個佢負責開支的屋企, 好似得番黎瞓咁, 唔知你地房事點, 房 ...

我結左婚先發現,加上好多磨擦,原來真係好似爲結而結,宜家好辛苦
Nancy20090615
|
人妻一號 發表於 19-3-5 12:47
我結左婚先發現,加上好多磨擦,原來真係好似爲結而結,宜家好辛苦

我都覺得你/你地辛苦呀, 新婚應該好 sweet 架, 之後先出現各種打擊考驗關係.

咁後生就關係冷過冰山, 點行落去呀?

不如去見下輔導睇下有咩幫到.
人妻一號
|
Nancy20090615 發表於 19-3-5 12:51
我都覺得你/你地辛苦呀, 新婚應該好 sweet 架, 之後先出現各種打擊考驗關係.

咁後生就關係冷過冰山, 點 ...

我都以為新婚好sweet,照正常我地結婚唔夠半年應該係蜜月期先係,雖然之前已經有一齊住,但新婚後應該更愛錫對方,但明顯新婚後,佢態度真係差左,我好傷心,喊過好多次,我有同佢講過婚前輔導,但佢唔肯
Nancy20090615
|
人妻一號 發表於 19-3-5 13:07
我都以為新婚好sweet,照正常我地結婚唔夠半年應該係蜜月期先係,雖然之前已經有一齊住,但新婚後應該更愛 ...

新婚就趺晒 watt, 真係奇怪.

858D
|
人妻一號 發表於 19-3-5 02:46
岩岩仲嘈緊話我惡佢,真係衰到無人有,我話你聽到D咩?佢話聽到我惡佢,我話我無惡,只係驚你聽唔到,所以 ...
我前夫好容易就認為我惡佢。但我先生唔係咁。佢從來唔認為我惡佢。如果係佢地大姨丈到,同係男人,但表現方式都唔同。我先生就好相處好多。
我前夫,我都唔覺得我自己雙眼有鄙視佢。佢就黑我面話:「又係果種眼色喇!」
我問我先生,我有冇一種眼色係你覺得我鄙視或惡你?佢話唔覺喔。
人夾人緣啦。
858D
|
本帖最後由 858D 於 19-3-6 12:42 編輯
人妻一號 發表於 19-3-5 11:29
下次我諗我都選擇唔出聲

好選擇。我都係咁對我前夫。忍一時,風平浪靜,退一步,海闊天空。我前夫當住佢娘親面喝我,叫我收聲。我即刻收。
858D
|
crystal媽咪 發表於 19-3-5 09:39
本帖最後由 crystal媽咪 於 19-3-5 09:40 編輯

我好少出聲,通常用眼神。 譬如沖完涼要開抽氣或拉開啲 ...
妳老公同我先生一樣係屬於醒目人,咁人地同佢地相處先可以唔使講。
但遇上好似樓主同我前夫Lee類人,妳講,佢都唔明,因為大家處事方式好唔同,佢只係用到佢自己果套的處事方式。妳一講妳套,仲衰多幾層,佢就會覺得壓力好大,以為妳會話佢無能,跟住起曬鋼,為己辯護一輪。我學會冇眼睇,洗手不關己事。等佢自己搞曬。後果點唔好,佢自己完全承擔,我唔使受佢氣。

我先生醒目到,我兩在陌生環境,餐館食緊越南粉,一手用spoon,一手用筷子,冇空手,我眼淚到,眼一望檯上的餐巾,佢就即刻自己用手拎餐巾,幫我輕印乾我的眼淚。點比吖!

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽