控制唔到情緒

lovebabyloveu
|
B而家7個半月,扭計多左,成日要抱要玩要企要見到人,否則就不停喊,唔願食唔願訓又唔肯飲水(但會扭眼訓)樣樣野加埋搞到我好攰,佢一扭計我就崩潰會發脾氣鬧佢打佢,控制唔到,次次自己同自己講唔好再咁,但都控制唔到。點好?產後抑鬱唔會咁遲吧?我有同我媽提過,佢話個個湊細路都係咁。
常綠葉
|
lovebabyloveu 發表於 19-3-5 18:27
B而家7個半月,扭計多左,成日要抱要玩要企要見到人,否則就不停喊,唔願食唔願訓又唔肯飲水(但會扭眼訓) ...

我仔都係成日要人抱住,又想人陪佢玩,最好全日乜都唔好做,抱住佢就最岩!連瞓覺都想我攬到佢實一實,痴得過份!可能佢係埋身人奶B,所以咁痴媽媽!我仔除左肯埋身飲奶,其他加固飲水等等都係食得差!只好不斷試,近日發現佢鍾意用大人匙羹同用筷子食嘢! 每次食野都要兩小時
既然你知道自己情緒唔係咁好, 如果你媽媽有時間可唔可以幫你睇住BB一陣, 等你可以抖下氣? 又或者老公放工幫你睇一睇, 你落街行一行?
DaDaKeKe
|
lovebabyloveu 發表於 19-3-5 18:27
B而家7個半月,扭計多左,成日要抱要玩要企要見到人,否則就不停喊,唔願食唔願訓又唔肯飲水(但會扭眼訓) ...

我bb都係七個幾月大,成日扭抱扭人同佢玩。有時煮完一餐比佢,佢又唔食,又唔飲水。有時唔飲水之餘仲要噴到我一身都係。真係火都黎。如果我feel自己想閙佢,想發脾氣,我會走去洗下碗,行一行開幾分鐘,個火就好快熄。
freshrose
|
lovebabyloveu 發表於 19-3-5 18:27
B而家7個半月,扭計多左,成日要抱要玩要企要見到人,否則就不停喊,唔願食唔願訓又唔肯飲水(但會扭眼訓) ...

你係ftm? 我bb 大你bb少少,但好少扭計,不如你多d帶佢出街,買多少少玩具俾佢玩,呢個月數d bb 應該好好玩
lovebabyloveu
|
常綠葉 發表於 19-3-5 18:45
我仔都係成日要人抱住,又想人陪佢玩,最好全日乜都唔好做,抱住佢就最岩!連瞓覺都想我攬到佢實一實,痴得過 ...

講得無錯,最好全日抱住就啱。
我係ftm,屋企人一星期黎一次,都係玩下唔係湊。
老公放工番到黎見bb兩個鐘左右,bb就要訓了。
lovebabyloveu
|
DaDaKeKe 發表於 19-3-5 19:43
我bb都係七個幾月大,成日扭抱扭人同佢玩。有時煮完一餐比佢,佢又唔食,又唔飲水。有時唔飲水之餘仲要噴 ...

飲食呢方面真係好煩,我知如果太惡會嚇親佢,但又忍不住。行開一陣又爆喊,加固之後又要煮又買又洗,好多野搞,全埋身餵奶,佢有時唔肯飲又唔比我行開泵奶,好似困獸鬥咁。
lovebabyloveu
|
freshrose 發表於 19-3-5 20:13
你係ftm? 我bb 大你bb少少,但好少扭計,不如你多d帶佢出街,買多少少玩具俾佢玩,呢個月數d bb 應該好好 ...

我每日都有同佢落街一陣,去買餸行下。玩具佢玩一陣就唔玩,嬲起上黎合埋眼喊咩都唔要。好羨慕你有個唔扭計既b。其實可能只係我自己問題。
Daisywong313
|
我都係,不過我又冇打鬧,係自己嬲,我bb鬧佢只會笑,打佢手仔,佢以為我同佢玩
佢最煩係成日要訓覺,夜晚自己訓到,早上就要我抱,唔抱就喊,一喊對眼又紅又腫,有敏感可以訓好耐好耐,唔洗食唔洗飲
次次開左奶,唔飲,我都會好嬲
但都冇計,同自己講由佢囉


lovebabyloveu
|
Daisywong313 發表於 19-3-5 21:20
我都係,不過我又冇打鬧,係自己嬲,我bb鬧佢只會笑,打佢手仔,佢以為我同佢玩
佢最煩係成日要 ...

我會控制唔到,明知打佢鬧佢仲衰仲扭計,但就係忍唔住。我試過好大力打佢pat pat/大脾,又試過掉佢上床,又會講啲好離譜既說話。諗番都好恐怖,好似變左第二個人咁。有次埋身餵奶佢又咬我,痛到我係度喊,佢就係度笑囉。
miumiu419
|
我女8個月,又係勁痴身,有次煮飯都要揹著佢先得,而加要擺部學行車係廚房望住我先肯乖乖地自己坐係到hea..我覺得媽咪要搞盡腦汁諗諗計令佢地覺得你是存在的,又未需要去到發脾氣,只要令佢地感覺安全就會自動收聲
lovebabyloveu
|
miumiu419 發表於 19-3-5 21:52
我女8個月,又係勁痴身,有次煮飯都要揹著佢先得,而加要擺部學行車係廚房望住我先肯乖乖地自己坐係到hea.. ...

我都試過揹著佢煮飯,多謝你建議,我成日覺得我b係特別曳特別麻煩,要調整一下心情至得。
GCHK
|
好好控制下自己嘅情緒,加油
lovebabyloveu
|
GCHK 發表於 19-3-5 22:39
好好控制下自己嘅情緒,加油

知道
fasola
|
我睇過本育嬰書, 教用揹帶

大部份媽媽做法係, 趁BB 訓就做家務

書中有媽媽就反其道而行. 做家務都係趁BB 醒, 揹住做. 一邊做家務, 一邊講解媽媽做緊乜.
滿足左BB, 其他時間, 反而無咁痴身
到BB 午睡, 媽媽自己亦跟住大覺訓.

書咁教, 而家太重啦, 無實驗過
臭Patpat小B
|
我仔係勁扭又唔喜歡訓覺,其實越聰明越曳的,不過真的湊得好辛苦,我仔一歲幾啦,都仲係要痴到實,完全要陪訓,無哂時間,如果訓走開,一轉身摸到冇人立即大喊企係度,之後又重新氹過訓,每日都好嘔血,有時見到朋友Dbb好乖,因為佢地可能真的好狠心地湊,自己衰心軟,可能太就佢
臭Patpat小B
|
本帖最後由 臭Patpat小B 於 19-3-6 10:05 編輯

重複左
freshrose
|
回覆 lovebabyloveu 的帖子

我BB 係可以自己玩, 玩成個鐘, 咩都玩, 佢只要有人係身邊就可以, 唔駛陪佢玩, 每日有得出下街就最開心最滿足
平時工人湊, 工人要做家務無可能揹住佢陪住佢, 可能佢自己慣左, 有時夜晚返到屋企我工人都係放佢係張HIGH CHAIR, 放係廚房出面靜靜睇住我工人煮飯

我覺得可能你係ftm, 所以bb 太習慣有你係身邊先有安全感, 所以都好難再改變現實, 唯有自己好好控制情緒, 因為bb 會感覺到

我bb 脾氣好好, 甚少扭計, 仲成日笑, 連我屋企個看更都問我bb 係唔係唔會喊, 我覺得主要原因係我無論陀佢果時到佢出左世到而家, 我無俾過任何負面情緒佢, 你自己都要加油啊
XX煩人一個
|
lovebabyloveu 發表於 19-3-5 18:27
B而家7個半月,扭計多左,成日要抱要玩要企要見到人,否則就不停喊,唔願食唔願訓又唔肯飲水(但會扭眼訓) ...

我個細仔都係勁痴人,只要嫲嫲》媽媽〉家姐,佢扭出街會扭得好勁,喊得好大聲,還好係佢鐘意食+肯瞓。
我成日都會話佢,有時打佢大脾仔/由佢喊,C6成日話我虐待佢(因為家姐好醒,知亂喊係無用)

媽媽試下一日半日放假充電,放手俾C6/搵人睇一日,放鬆心情會好好多。
常綠葉
|
lovebabyloveu 發表於 19-3-5 21:05
講得無錯,最好全日抱住就啱。
我係ftm,屋企人一星期黎一次,都係玩下唔係湊。
老公放工番到黎見bb兩個鐘 ...

我都係ftm, 重要家人全部唔係身邊, 個仔重要唔跟爸爸,好似當爸爸透明 好在既係我仔好識扮野,一出街就笑笑口,邊個抱都得,同係屋企兩個樣! 所以我覺得攰就會出街行下,佢開心時我開心!
你唔好諗d負面野,如果攰,咪放低佢,由佢喊下,喊下當練習肺部功能!我而家晚上唔會抱佢瞓覺,佢冲完涼,埋身餵完奶就放佢入床仔,比安撫巾,公仔,牙膠,由佢自己瞓!一開始真係斷斷續續喊三個鐘都可以唔收聲,但而家大叫一陣就會瞓著,半夜亦起伸好幾次,真係無覺好瞓!但我多數趁佢瞓左就上網睇電視,比自己放鬆一下!你都要趁佢瞓左做下自己想做既野,當然係係屋企做,但都叫做可以休息下!
elkykit
|
lovebabyloveu 發表於 19-3-5 18:27
B而家7個半月,扭計多左,成日要抱要玩要企要見到人,否則就不停喊,唔願食唔願訓又唔肯飲水(但會扭眼訓) ...

本帖最後由 elkykit 於 19-3-6 22:13 編輯

完全明白,因為我個10個月B都係咁,同人講佢哋只會話:唔食尤佢啦,唔瞓尤佢啦!我都係FTM,而且仲有個大要照顧,日日啲時間追追趕趕,又買又洗又切又煮,攪一大餐又唔食,第二啖就開始含住,鬧佢又喊,又吐到周圍係,我都湊到就快癲,我都有試過打佢,又試過因為佢唔食而喊,大嗌大叫,打梳化,掉枕頭 總之就湊到人都癲啦。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽