夫婦情感

跳至

首頁
12345...7

尾頁
   3


子爵府

積分: 11822


發表於 19-3-8 16:03 |顯示全部帖子
本帖最後由 PTMCYS 於 19-3-8 17:47 編輯
858D 發表於 19-3-8 13:15
你太太係懂揀男人做老公。因為她知她「食」得住你。如果她當年揀個醫生,她知她唔會「食」得住個醫生。( ...

師姐妳咁有心, 我以前講過d 野妳都仲記得



咁佢又無諗過因為可以食到我而揀我, 依家都係我食住佢.... 我從來不做兵, 揀女仔不會揀難應付的, 我好怕玩鬥法的女仔....以前情願加多d 班好過溝個d 女仔, 靚都係咁話, 我唔係只得用 j 來諗野的. 當然太太外表都唔講得差.......



太太較藝術家性格, 細個時屋企不是有錢, 又不是很窮, 唔會太奢望嫁有錢人, 問翻佢, 佢話第一眼見到我, 就覺可靠好舒服, 好安心(我只記得她眼都唔眨, 笑笑口好耐, 心諗我都唔係咁靚仔o者, 攪到我面都紅), 其實當時我都唔想發展太快, 想睇清楚D 先, 但覺得好多女仔原來好主動, 如幾次出來都唔表態, 會覺得玩佢......, 我覺得佢個刻諗住已經搵到mr.right , 所以不涉及可以食住我的睇法, 反而係我自願的, 我都係有性格的人, 逼唔到我...... 我係想建立自己想要的開心家庭.



因為太太較鬆, 所以經常為此觀點吵, 當時鬧仔係會鬧埋佢...... 因為我係幾兩極的人, 所以我怕自己過了火, 令對方(特別係呀仔)太難受和壓力太大, 現在呀仔開始大, 亦唔可以鬧得太勁, 所以我接受佢叫我停我就停, 我鬧人係想對方改, 唔係為自己而發洩, 所以我會控制到.

其實我依家都少了鬧仔, 佢開始大, 開始明事理, 只係懶, 我會搵好多例子, 觀點跟他談, 經驗分享等.... 希望佢有一日會諗通發奮... .

我只覺得屋企我大晒, 唔會開心, 所以都要比權太太, 比佢鬧下唔駁咀, 扮下怕左佢, 互相尊重, 依D 先係我想要的.





大宅

積分: 1125


發表於 19-3-8 16:20 |顯示全部帖子
858D 發表於 19-3-8 13:15
你太太係懂揀男人做老公。因為她知她「食」得住你。如果她當年揀個醫生,她知她唔會「食」得住個醫生。( ...

咁當時你話要離婚佢係咪好驚訝定好順攤?


珍珠宮

積分: 35559


發表於 19-3-9 00:36 |顯示全部帖子
本帖最後由 858D 於 19-3-9 02:53 編輯
空巢媽媽 發表於 19-3-8 16:20
咁當時你話要離婚佢係咪好驚訝定好順攤?

攤長來睇,都算順攤。順攤到使我父母欣慰。
我搬過隔離住,兩屋的牆是連住的。經濟上不變。生活上,子女依然要爸有爸,要媽得媽。
有一家人一齊去買嘢,去玩。

佢地鍾意我煮既嘢,就叫我過去煮畀佢地食。
我在家工作忙到唔得閒煮食,佢煮埋,送過來畀我食。
我做嘢辛苦,受打工仔氣,佢過來聽我傾,我唔想做。我緊要搵佢傾啦,喊都要對住佢來喊,因為我搵的錢全部畀曬佢喔。一向都係我一人搵錢擔起成個家。

我先生和我前夫仍然係朋友。前夫有好多嘢搵我先生幫手。安裝洗碗碟機啦,整車啦。

互相守望。






Love is when the other person’s happiness is more important than your own  ~ H. Jackson Brown


珍珠宮

積分: 35559


發表於 19-3-9 01:57 |顯示全部帖子
本帖最後由 858D 於 19-3-9 14:31 編輯
PTMCYS 發表於 19-3-8 16:03
師姐妳咁有心, 我以前講過d 野妳都仲記得

咁佢又無諗過因為可以食到我而揀我, 依家都係我食住 ...

你太太覺得你可靠,就是我說她潛意識中認為「食得住」你的意思。你亦係同樣覺得你食得住你太太,你先揀她。你覺得你食得住她是因為她不難應付,她不是玩鬥法的女人。
如果是玩鬥法的女人,你就冇把握食得住她,那當然你不會花時間資源在和那些女人搞關係啦。

所以你和你太太 work out good,好搭配。 她如果揀那個醫生,未必會如此work out good 的。所以她不選擇那醫生亦不是她的損失。再說她揀人,人揀她。沒有這麼容易發生的事。

我當初揀我前夫,我只有三個要求, 1. 愛神 2. 愛人如自己 3. 不離不棄。
因為我覺得咁既男人我先有機會「食」得住他。因為我唔係要搵兵的人。我亦唔花資源去鬥法。
我唔雖要佢有錢,有事業。只要佢支持我做個全職家庭主婦,小女人,有經濟數據可以擔保我外家移民來,我就夠了。
我生活要求唔高,基本生活所需就夠了。我家境本清貧,亦不慕虛榮。


我先生都好感恩遇上我,因為我又係唔玩鬥法的,唔收兵的。所以佢覺得佢「食」得住我先要我。



Love is when the other person’s happiness is more important than your own  ~ H. Jackson Brown


珍珠宮

積分: 35559


發表於 19-3-9 02:41 |顯示全部帖子
PTMCYS 發表於 19-3-8 16:03
師姐妳咁有心, 我以前講過d 野妳都仲記得

咁佢又無諗過因為可以食到我而揀我, 依家都係我食住 ...
我憑你以前講過D嘢,我評估你係好多人眼中的靚仔。好喜歡睇你分享你如何經營你的夫妻關係。
在此難得有男士如此詳盡地分享。
Love is when the other person’s happiness is more important than your own  ~ H. Jackson Brown


珍珠宮

積分: 35559


發表於 19-3-9 02:43 |顯示全部帖子
回覆 franwu 的帖子

一齊共同做一D大家都夾得來的事情。避免那些夾不來的事。
Love is when the other person’s happiness is more important than your own  ~ H. Jackson Brown


洋房

積分: 81


發表於 19-3-9 03:05 |顯示全部帖子
PTMCYS 發表於 19-3-7 14:56
多一点擁抱,温柔聲音,少点執著吵架。多点欣賞对方少点計較。多点想回拍拖時的甜蜜/承諾,少点比較和介意 ...

我同我先生都係行佐咁多年!睇完你的分享,好有感觸,往事歷歷在目⋯⋯
佢的確為我為仔女為頭家改變了太多,人成熟了,脾氣少佐,談話語氣soft佐,會站在對方的立場諗嘢⋯⋯
但我最近卻發現,唔知點解,大家對家庭、兩性關係嘅價值觀念竟然都發生了變化⋯⋯


子爵府

積分: 11822


發表於 19-3-9 10:54 |顯示全部帖子
mingmama 發表於 19-3-8 14:47
呵呵我先生就係咁~諗定自己一定行先~教定個女到時要照顧我
幾好呀! 對老婆有這個目標, 就會少D 花時間諗其他的女仔..


珍珠宮

積分: 35559


發表於 19-3-9 14:47 |顯示全部帖子
空巢媽媽 發表於 19-3-8 16:20
咁當時你話要離婚佢係咪好驚訝定好順攤?
其實我冇話要離婚。係佢話後悔同我結婚,錯配。
由結婚,我話只要佢搵到錢畀我做全職主婦,佢可以有29,小三,總之對我和我父母不離不棄就得了。我就咁跟佢一世,唔會搵第個男人。 我好容易養的,我家境一向清貧。佢一份郵差的工已經得,佢都做唔到。
佢養唔到我同我父母,我就話唔好生子女喇。佢話早知我唔想生就唔同我結婚。咁我好似騙婚咁。等到我用10年來打好個經濟,供佢讀graduated school,唸住佢可以擔起頭家,等我做主婦,我可以生子女。誰知佢當教授都未到兩年就受唔住打工仔的氣,要我重拾我舊業來撐起頭家。我就算自己唔食,我父母,我D女都要食啦。
Love is when the other person’s happiness is more important than your own  ~ H. Jackson Brown


珍珠宮

積分: 35559


發表於 19-3-9 14:53 |顯示全部帖子
babipig 發表於 19-3-9 03:05
我同我先生都係行佐咁多年!睇完你的分享,好有感觸,往事歷歷在目⋯⋯
佢的確為我為仔女為頭家改變了太多 ...
大家還是容易相處,冇咁多負面情緒滋生就好。
Love is when the other person’s happiness is more important than your own  ~ H. Jackson Brown


大宅

積分: 1125


發表於 19-3-9 15:27 |顯示全部帖子
858D 發表於 19-3-9 14:47
其實我冇話要離婚。係佢話後悔同我結婚,錯配。
由結婚,我話只要佢搵到錢畀我做全職主婦,佢可以有29,小 ...


做到教授都受氣
佢比氣自己受掛


子爵府

積分: 11822


發表於 19-3-9 23:40 |顯示全部帖子
babipig 發表於 19-3-9 03:05
我同我先生都係行佐咁多年!睇完你的分享,好有感觸,往事歷歷在目⋯⋯
佢的確為我為仔女為頭家改變了太多 ...
如果妳唔介意, 講出黎分享下, 為何好地地, 突然對家庭和性有了變化呢....



子爵府

積分: 11822


發表於 19-3-9 23:59 |顯示全部帖子
858D 發表於 19-3-9 01:57
你太太覺得你可靠,就是我說她潛意識中認為「食得住」你的意思。你亦係同樣覺得你食得住你太太,你先揀她 ...
我只可說, 我是用家, 唔係玩家, 跟玩家玩要自己用一個玩家的心態, 我唔鍾意傷害人, 更不想比人玩, 至於各有所需, 借個位放放, 免了.

至於太太有沒有咁便宜, 我就不能答妳, 不竟未發生的事, 但肯定的, 她都沒有機會給人, 如果有心的女仔, 無機會都會爭取, 但我跟她出街幾次, 她都冷言收線.... 當年我係經常霸住太太的所有時間, 不過現在都是....

我舊公司有一位女同事, 一樣中學畢業讀TI, 之後經常同另一同事, 周圍結識金龜/專業人士, 最後識了個醫生仔(剛做醫生無耐), 我離開該公司後幾年, 聽聞他們已結了婚, 生了仔, 住了半山區. 此女仔樣不靚, 但總係著到懶索, 好多男同事都好like 佢, 但她有她的目標, 唔係咁多採人, 卒之搵到她要的目標了. 人有好多種, 各人有各人需要的東西.


珍珠宮

積分: 35559


發表於 19-3-10 00:02 |顯示全部帖子
空巢媽媽 發表於 19-3-9 15:27

做到教授都受氣
佢比氣自己受掛
佢係受同事上司的氣。佢話同事,上司 搞 「政治」手段,難相處,難企得搵。我只可以尊重佢既真實感受同觀察,如人飲水,冷暖自知。佢日日放工翻來就伸如何受氣,邊個點對佢,講D乜,邊個又講D乜畀佢,邊個又對邊個點唔正道。全部都係有負面,冇正面。
如果佢撐唔起,被裁出來,又久久搵唔到第份工,咁Lee條沉緊既船係咪我要來補吖。
佢伸,我就憂心,我就唸下我有乜野可以做的。我當時母乳餵哺緊我兩的第二個女,當我提出我接翻我份舊僱主的工程師職位來做(其實我已經以自顧型式 計時薪 在家做 來補佢 賺唔夠的開支)以防船沉。佢即刻話好,如果我僱主請翻我做全職,佢會立即向上司遲職,教埋那個學期就唔教。大家搬翻我做嘢,佢讀 gradurate school 的州再慢慢搵工來撐起個家。我喊到D眼淚係咁滴滴在我胸前個女的臉上。個女得幾個月人仔。我又唔可以一尿片,一屎片地照顧大她。她的第一次翻身,第一次坐,第一次爬,第一次企,所有成長,我都會 不在。 幾個月後,我們才得知 我Lee個女係有與生俱來的嚴重大腦痲痹症,她人生從來沒有以上我提到的第一次。 她的殘障使我更遺憾我的有限條件未能全職在家照顧她的起居飲食。我前夫搞到一榻胡塗。我搞,佢又話咁唔得,果唔畀。
而家,我先生願意養我同我父母,我先生話如果我前夫撐唔起D女同佢自己,我先生絕對唔會畀佢地做露宿者的。但我先生叫我唔好同我前夫講Lee個可能性。因為我地要推動佢出去搵工撐起自己同D女。



Love is when the other person’s happiness is more important than your own  ~ H. Jackson Brown


子爵府

積分: 11822


發表於 19-3-10 00:32 |顯示全部帖子
本帖最後由 PTMCYS 於 19-3-10 00:36 編輯
858D 發表於 19-3-9 02:41
我憑你以前講過D嘢,我評估你係好多人眼中的靚仔。好喜歡睇你分享你如何經營你的夫妻關係。
在此難 ...

都係普通人, 一個招牌跌下來,可以壓死幾個果D, 池中無魚我自大 (其實我有時覺得自己好樣衰...)...... 當年去了TVB 面試考藝員, 男一間房, 女一間房等, 揸住獨白背的時候, 見成間房內廿幾個男仔, 好多都好靚仔, 又識打扮, 好似in 港男咁, 我只係穿polo Tee, 寒寒酸酸咁, on on下, 想快D in 完閃..... 因為係家姐偷我相片去報, 所以我跟本唔想in, 但反正叫我in, 就去見識下....

其實當時反而好想去望下隔離房D 女仔, 見到好多都好靚, 想睇下邊個有明星相.....哈哈, 但自己D 獨白都未攪掂, 無咩機會去望....

記得IN 完走個陣, 坐TVB 巴士走, 咁啱當時的新聞之花黃德如坐左我隔離, 聞到她身上的香水都開心....哈哈, 講笑, 我都係正常男, 愛睇女仔, 不過出軌個D, 真係諗都無諗過, 我係家庭觀念極重的人, 我唔能夠說是否好愛太太, 但她已佔了我生命一個重要的位置, 就算在地球的那處(我經常出差), 都會掛念她. 我覺得可能是前世的緣份帶落, 解釋唔到的.

題外話, 我約廿歲開始, 耐不耐隔幾年就會遇到D 奇怪野, 直到前幾年都有, 亦有分享給家人知, 有位姐姐之後信了佛, 經常告訴我, 我咁易惹到, 應該前世欠了一點事, 叫我有機會需要尋因, 不然會帶落下一世, 其實我唔係好想迷信, 不過好似有D 道理, 不是導迷信, 吹開咁啱講下....


珍珠宮

積分: 35559


發表於 19-3-10 02:53 |顯示全部帖子
PTMCYS 發表於 19-3-9 23:59
我只可說, 我是用家, 唔係玩家, 跟玩家玩要自己用一個玩家的心態, 我唔鍾意傷害人, 更不想比人玩, 至於各有 ...
我唸冇乜人會立心傷害人,現實上亦冇咁既需要傷害人,因為鍾意畀人玩來交換某種好處或是需要的人都大有人在。行規早在行內人的圈中訂了。都是雙方情願的。這我也是近年聽我一閨蜜講的。 (她知我純良如鴿子,但她在還未了解我個思維同審人的能力之前 她成日驚我不會靈巧像蛇 畀人玩,自己受傷害。)所以她常給我上社會教育堂和進行思想教育,講我知那圈中的事。又懷疑我先生係咪行內人。又提出畀她去試探下我先生。我都一一拒絕。保持我自己的獨立思想,叫她不用干涉我的人際關係經營與運作。五年後,我閨蜜終於見證到,這不是我先生,我和我前夫的選擇。她還讚我在這人際關係中「搾呢手鈦搾得非常好」。

「各有所需,借個位放放」 亦不是我先生,我和我前夫 的所需。我們的人生歷鍊已經去到可以自給自足,所以沒有需要 或以任何嘢來做交換任何需要的。

好多人各自心中潛意識也好,有意識也好,都有條數,自己可以對人付出D乜,想向人換取D乜。
我自己最基本的能力係付出專一,不離不棄的愛,盡心,盡意,盡力 為身邊有需要同貧窮的人服務。有福同享,有禍同當,互相守望,我甘心樂意付出一個完全順服丈夫,家庭主婦,相夫教子女的家庭角色,我的付出不期望在同一人身上得回報。
我要換取的唔需要對方的專一,唔需要對方富有。只要佢搵夠基本生活的開支養我和我父母過世和我的子女到佢地經濟獨立就好。
因為我有自知之明,我一向看到我自己的軟弱,我就是不能當女強人。我就是一個小女人的資質。

你講述的舊公司那位TI畢業後嫁醫生的女同事,在英語文化中會用一種貶義詞來形容此類:gold digger. 我常在那英語論壇上為我們東方女性辯護,以一種正意來解讀 這 gold digger 方式搵老公靠。

我媽從懷我這胎就想我做搖錢樹。當年她冒住國內計劃生育政策下 我很可能成為黑市女 的險要 都沒有把我的生命以合法墮胎來終止。她對我父說:「醫生話呢胎係個女,我要,她將來會是顆搖錢樹。」後來,剛移民到香港,母親帶我去買校服鞋,才發現她這女兒我13歲女,竟然試穿鞋時還不懂感覺那鞋是否合腳穿。她說:「吖女,你咁遲鈍,將來點搵到個金龜婿老公來靠一輩子,養埋我同你爸過世吖?!」 我好有志氣地回:「媽媽,唔使驚。你個女我會好好讀書,努力向上,憑自己搵好多錢來養你同爸爸過世的。」心唸,如果我勾到個有錢又肯養我同父母過世的,等我唔使做,緊好啦。但我有自知之明。我揀人,人揀我。現在人到中年,事實證明我就係冇咁好命。好在我都憑自己實力混翻個工程師做坐20年。一人搵錢擔起幾頭燈油火臘獨立開支的家。

現在,我先生,我同我前夫都一致認同如此教我們的女兒:要搞好三自才談婚論嫁。
1. 經濟需要獨立
2. 生理需要獨立
3. 情感需要獨立
不要為以上三款的需要而結婚。我地唔需要佢地結婚生兒育女。就算佢地過了生育年齡都唔需要搵佬要。未婚大肚,都唔需要搵人要,子女照生,我地長老來養,佢可以自由身,無後顧之憂地繼續開拓建基好自己的人生。

姜太翁釣魚,願者上釣。真係要審到個夾得來共事的人才定下來。在世間,一定有如我先生這麼好而且有能力的男人,不論子女係咪佢親生的,他都有愛心來如同自己親生的來養育。
再說,現在做女要生育都唔需要受年齡限制了。好似我先生的一女同事,先把 自己年輕時生產的 eggs 冰住,到搵到合適的當爸爸的男人才拎出來同佢生。




Love is when the other person’s happiness is more important than your own  ~ H. Jackson Brown


洋房

積分: 81


發表於 19-3-10 09:10 |顯示全部帖子
PTMCYS 發表於 19-3-9 23:40
如果妳唔介意, 講出黎分享下, 為何好地地, 突然對家庭和性有了變化呢....

懷疑老公去偷吃,赤裸裸的背叛⋯⋯最可怕的事佢覺得無問題,識得准時交人就已是盡責
關於親密關係,佢會有意無意同我講,生完唔洗做愛喇!


珍珠宮

積分: 35559


發表於 19-3-10 12:05 |顯示全部帖子
PTMCYS 發表於 19-3-10 00:32
都係普通人, 一個招牌跌下來,可以壓死幾個果D, 池中無魚我自大 (其實我有時覺得自己好樣衰...)...... 當年 ...
你家姐認為你夠上鏡,先瞞住你寄你張相去TVB。我先生同我講,雖然好多人同佢講話佢靚仔,但佢一直都唔覺得自己靚仔。
佢去到36歲時先接受佢係靚仔類。

當你分享此段「、、、我係家庭觀念極重的人, 我唔能夠說是否好愛太太, 但她已佔了我生命一個重要的位置, 就算在地球的那處(我經常出差), 都會掛念她. 我覺得可能是前世的緣份帶落, 解釋唔到的。、、、」我覺得此思想好浪漫。我知你一向不認為你是浪漫。我認為人人的浪漫感都不同。可能我個人好容易滿足,所以好似你這點心思,我都感到浪漫了.


Love is when the other person’s happiness is more important than your own  ~ H. Jackson Brown


男爵府

積分: 9596


發表於 19-3-10 13:47 |顯示全部帖子
858D 發表於 19-3-10 12:05
你家姐認為你夠上鏡,先瞞住你寄你張相去TVB。我先生同我講,雖然好多人同佢講話佢靚仔,但佢一直 ...

我都係睇到P先生話佢家姐幫佢報名藝訓班就覺得佢應該外型唔錯
有啲男士係冇自覺自己外型掂架~好似我先生咁~我身邊好多朋友都話佢靚仔架~但同佢講佢就話咪麻甩佬一個


子爵府

積分: 11822


發表於 19-3-10 14:34 |顯示全部帖子
babipig 發表於 19-3-10 09:10
懷疑老公去偷吃,赤裸裸的背叛⋯⋯最可怕的事佢覺得無問題,識得准時交人就已是盡責
關於親密關係,佢會有 ...
噢~ 很遺憾...

我覺你老公沒有把結婚視對方為己的想法, 我有時都會諗, 究竟什麼是愛, 什麼是婚姻, 我現在的想法, 都係希望視對方為己, 把對方是自己真的另一半, 無論對方怎樣情況, 都會一起面對和渡過的, 就如婚禮上的承諾一樣. 男人會比女人襟擺, 而且有機會成就比年青時高, 所以絕不能把太太的外表等競爭力下降, 自己反而升值, 覺得可以擁有更多更好...., 而忘記太太對自己的付出和選擇.

而且個個女人老左都係咁, 唔通幾年後又搵過件, 又或者偷食時叫人老婆, 過幾年又搵過件, 我做唔出喎... 不過唔同男人, 有唔同的想法.

我好唔明白, 好多人都對婚禮十分重視, 但有多少人真的明白婚禮上的誓詞和責任...., 真的當婚禮是party 嗎....? 我的婚禮很簡單, 但我好重視這句話, 人要講得出做得到的想法才是, 而且老婆自己揀, 任何藉口都是不對的.

我這樣的想法, 可能我比重視女性, 每位都是他們家庭的珠寶, 受家人的愛錫, 真的非誠勿擾人家的千金...

當然一些突變很難避免..... 你們有小朋友嗎? 希望妳能想到妳的重新位置, 方向, 待冷靜後把煩惱的事, 分點列出和分點的想解決辦法和策略, 慢慢就可以看得清, 想不到解決的點, 放下一回, 不要走入牛角尖, 人只能向前看, 向後望只會令自己不開心和迷茫, 憤怒亦會令自己繼續做錯事, 選錯路. 加油呀~



首頁
12345...7

尾頁

跳至