懷孕前後

跳至

首頁

尾頁
   7


大宅

積分: 1325


發表於 19-3-19 12:55 |顯示全部帖子
先恭喜你,三個BB都同你有緣,冇特別condition 的話,可以的話,都留著吧!

我認知的減胎是打枝針的,還可以由「人」—醫生、你或你先生,去決定是哪個不要,想到這裡,我唔認為自己下得了咁既決定。多殘忍。

我懷雙胞胎(是第一胎),懷孕早期有見紅,幸好及早看中醫安胎,中期算穩定。去到懷孕後期,大約30週開始,挺辛苦的,身體負擔有點大,但其實很快過去了。

到生左佢地出來,頭兩個月真係辛苦到不得了。那時候想,應該生完一個再生另一個(即單胎)比較好,因為兩個同時哭要抱又抱不了,自己都好傷心,覺得自己做不夠好,所以那時,佢地仲比較細,我有傻傻的想法。我當時問自己,如果只係生一個,咁會希望是生哪一個好(係度假想即係另一個會冇左,我只係幻想,都不能接受兩個只能留一個的畫面)因為真係各有各可愛/難攪之處。

現在孖寶已23個月大,快兩歲,叫做易湊好多,冇咁辛苦,好開心我有兩個小朋友,佢哋一起成長多快樂! 我幾肯定,若你留兩個放棄一個的話,你第日望住兩個仔/女,一定會成日諗如果第三個都一齊成長,這個畫面又會係點呢,永遠對那一個的歉疚是抺不掉的。

我明白三個的風險比孖的風險大很多,但講真,好多單胎的,要流也是留不住.....

希望你可以做到一個不讓自己後悔既決定。


別墅

積分: 901


發表於 19-3-19 16:01 |顯示全部帖子
回覆 bwife 的帖子

我就是一個3胞胎的媽媽. 3個平安出世, 住左3星期醫院. 健康touch wood 尚算okay. 亦追到晒生長線.
當我第一次產檢知道是3胞胎(3個都有心跳), 我同老公都呆左, 醫生亦有提過風險. 不過唔知係唔係醫生有宗教信仰,
佢話唔好一黎就諗自己會唔得, 淨係諗, 只會愈諗愈驚, 俾d信心自己.
返到堅企, 不停搵3胞胎既case 睇, 有時對自己好有信心, 有時又好驚.
我心入面係有想過, 如果其中1個自己(自然)消失就可以解決我煩惱. 但係要我自主去減胎我就無諗過.
第二次產檢, 見到3個心依然跳, 仲係個mon 度郁郁下, 好感動.
之後我問老公, 佢都話一個都不能少.

所以, 3個就亳無疑問咁保留下來.

當然, 3胞胎確係風險高, 所以檢查要做足, 補充品比人食得多, 人地1粒dha, 醫生要我食3粒, 仲有其他好多輔助藥物.
23weeks 試過以為見紅 (原來係消毒藥水加分泌既顏色), 嚇到我喊, 以為佢地要超早產. 最後又過一關.
到孕後期, 個身好重, 要長時間瞓床. 不過可以感受佢地3個一齊郁, 成件事好奇妙.

最後, 佢地早左少少出世 (8個幾月). 除左唔夠磅, 其他都算可以.

依家, 除左係好忙, 亦都好開心. 有時我會好似bwife 咁講, 我望住佢地, 想像一下無左其中一個, 我會唔開心, 我決定唔到可以無左邊一個. 如果真係少左1-2個, 咁又應該係邊個?

呢個只係我既選擇, 我知樓主都係兩難. 只係想用過來人同你講, 陀3胞胎都唔係好可怕, 要有問題, 一個都可以好可怕.


大宅

積分: 1325


發表於 19-3-19 16:06 |顯示全部帖子
alice205 發表於 19-3-19 16:01
回覆 bwife 的帖子

我就是一個3胞胎的媽媽. 3個平安出世, 住左3星期醫院. 健康touch wood 尚算okay. 亦追 ...

好鼓舞! 你三寶幾大啦? 都係異卵嗎?


別墅

積分: 901


發表於 19-3-19 16:14 |顯示全部帖子
回覆 bwife 的帖子

係ar, 係異卵. BBs 歲幾lu.


複式洋房

積分: 360


發表於 19-3-19 18:06 |顯示全部帖子
我有一個朋友都係有三胞胎
個時醫生都叫佢減, 但係佢唔捨得冇減到
到後期都係早產, 每個BB 出世都係唔夠三磅, 要訓箱
之後前前後半年, BB 可以出院
佢屋企 兩公婆, 兩個工人, 三個BB, 公公婆婆爺爺嫲嫲
每日屋企都滿滿既人....好迫好辛苦

除開陀個時高風險, BB會有任何發展問題
其實係咪應該都要考慮埋點照顧呢?
雖然話都係生命, 但係資源得咁多, 你會想三個共分, 定係主力俾晒其中一至兩個


子爵府

積分: 13135


發表於 19-3-21 16:33 |顯示全部帖子
本帖最後由 zarara188 於 19-3-21 16:40 編輯

回覆 zuniceso 的帖子

你好!我係過來人!我都爭扎左2星期,最後,忍痛減左!
我係高齡,醫生說3個成功出世+健康嘅機會率好低,所以為左要保住兩個,犧牲左一個。而我,到宜家都好自責,點解當時放棄嗰一個胚胎!好內疚⋯⋯
不過已成定局,無得返轉頭。
如果可以再㨂,我會3個要晒,唔減!隨緣。
I just want to have healthy babies!


別墅

積分: 581


發表於 19-3-21 22:00 |顯示全部帖子
zuniceso 發表於 19-3-11 23:43
我係做ivf架,今日6w照到3個都有心跳,size正常,但醫生話好大風險,叫我考慮下減胎
有無過來人可以 ...

我未試過三胞胎,但小x過一次,半年後有番
你是做ivf,相信都是經歷左好多先收到呢個好消息

如果我是你,我會考慮自己年齡,身體狀況,家庭經濟狀況;
如果醫生都建議你,理想地減一個b,去迎接兩個b 較安全的出世,其實係對成個家庭最健康既決定。
加油!祝福你


禁止訪問

積分: 645


發表於 19-3-23 19:01 |顯示全部帖子
提示: 作者被禁止或刪除 內容自動屏蔽


洋房

積分: 50


發表於 19-3-23 19:09 |顯示全部帖子
始終都係自己骨肉喎


複式洋房

積分: 177


發表於 19-3-24 08:15 |顯示全部帖子
zuniceso 發表於 19-3-11 23:43
我係做ivf架,今日6w照到3個都有心跳,size正常,但醫生話好大風險,叫我考慮下減胎
有無過來人可以 ...

我都好驚三個比會無晒,首先問醫生減胎有無風險

然後三個減一個,我想保住2個平安出世


大宅

積分: 4292


發表於 19-3-24 13:23 |顯示全部帖子
zarara188 發表於 19-3-21 16:33
回覆 zuniceso 的帖子

你好!我係過來人!我都爭扎左2星期,最後,忍痛減左!

本帖最後由 asukav6 於 19-3-24 13:24 編輯

del


大宅

積分: 4292


發表於 19-3-24 13:24 |顯示全部帖子
yinbird 發表於 19-3-19 18:06
我有一個朋友都係有三胞胎
個時醫生都叫佢減, 但係佢唔捨得冇減到
到後期都係早產, 每個BB 出世都係唔夠三 ...

之前睇左個節目講3胞胎,需要的資源真係好多,而且都有不同程度的發展缺陷,需要更多時間耐性去take care,呢D先係真正的挑戰,我諗樓主去做得ivf應該經濟係富裕嘅,但日後係咪接受到小朋友發展缺陷同埋同時照顧的精神壓力,就值得仔細考慮


大宅

積分: 1766


發表於 19-3-25 15:42 |顯示全部帖子
好羨慕,真係好難決定


男爵府

積分: 9898

好媽媽勳章


發表於 19-4-15 11:33 |顯示全部帖子
回覆 zuniceso 的帖子

樓主,你決定了嗎?
~~~~~~~~~~~ 我們的雜果兵團 ~~~~~~~~~~~


大宅

積分: 4522


發表於 20-1-2 16:43 |顯示全部帖子
回覆 zuniceso 的帖子

我情況都是3胞胎⋯而家都好擔心!請問妳而家怎樣?我天天都頭大中...


男爵府

積分: 7653


發表於 20-1-2 21:10 |顯示全部帖子
明白決定好難但會支持你,加油


別墅

積分: 821


發表於 20-1-2 23:39 |顯示全部帖子
wendyor 發表於 19-3-13 22:25
12週度頸皮,我喺威爾斯公家症既醫生減。原本係12週減,但當時bbs匿埋唔比醫生落針,所以等多兩星期。
但 ...

我一開始三胞胎,都係12週減左一個,前前後後睇左好多個醫生,綜合佢地既意見都係以大局為重。三胞胎除左早產既風險之外,仲有佢地既發育,始終人既結構係一胎一個。

我好明三個都係自己骨肉,無論點掙扎都做唔到決定,亦會有人話你殘忍,但係做媽媽又點會想咁。我嗰時想佢地三個自己決定,但check所有野佢地都係正常,好無奈要自己決定。好記得落針前醫生仲同我講減胎冇話對與錯,只係我選擇以大局為重,唔好自責。

到而家我既孖胎依然有早產既風險,而一直陀佢地都有唔同既狀況。加油,要理性少少同屋企人傾下。

首頁

尾頁

跳至