少年成長

收藏本版
發帖
返回列表
跳至頁

首頁
1

尾頁
   15
tutik


侯爵府

積分: 23992


1#
發表於 19-3-18 15:31 |顯示全部帖子

回覆樓主：

本帖最後由 tutik 於 19-3-18 15:31 編輯

樓主借你個post畀我呻下， 近排個仔將近呈分試，我加緊同佢溫書，睇ipad嘅時間即係睇youtube都要減短 ，平時佢都有問我畀唔畀睇 ，但係近排發覺佢夜晚偷偷起身睇，話完認錯，之後又重犯，尋日又比我發現2点起身睇到3、4点，我好嬲覺得佢第二時點樣去把持自己去行正路，真係好失望。本身專注力已經唔好，又帶ok 鏡都重咁，好失望。
私人傳訊

tutik


侯爵府

積分: 23992


2#
發表於 19-3-18 23:50 |顯示全部帖子
lam0903 發表於 19-3-18 23:04
收起第2日先比返佢

其實我之前收起咗，但佢有時又話要上網，又話聽陣歌(自己心軟，佢都要鬆下)，親我唔記得收起，佢又偷雞鼠部機入房，我討厭成日做警察捉賊咁。佢自己今次死狗咁話考試完先睇，其實我都收埋咗。
私人傳訊

tutik


侯爵府

積分: 23992


3#
發表於 19-3-22 09:48 |顯示全部帖子
mickeywinnie3 發表於 19-3-20 22:37
我同自己講，人生是他們的！只希望他不做壞事、不做癮青就算了！
...

其實我對個仔要求都好低，想去第時搵到食。
佢下星期呈分，之前面試衰咗，佢都明白要靠大抽獎不能跌band。呢幾日佢返咗學我就整理題目、筆記，務求等佢返黎濃縮咁倒入佢個腦，温到小小都好呀，但佢埋書抬都要三催四請，到坐低一陣又話去廁所，其實返學日子一日都搵唔到半個鐘，同佢講句說話我夠二句佢已經搭嘴已經冇聽，尋日食完飯又「愛回家」( 其實日日都係咁，放學己經睇咗陣)，要睇完電視，仲要抖一陣，先返埋位。但係同佢講嘢根本冇心機聽呀，叫佢做比我睇，又同我拗，累積幾日既憤怒，加上平日生活上自私既行為，琴日忍唔住爆佢，我㷫到粗口都出埋，佢臨瞓我同佢講對唔住，我心急咗， 但係都係想為佢好，佢答我一世記住我鬧佢既說話， 我應佢唔緊要 ，第日如果你學有所成， 搵到份工養活自己，你憎我都無所謂。
跟住自己成晚訓唔着，真係唔知為乜，自己盤算想將來供佢去外國讀大學(佢唔知)，平時相處，包容、耐心提點(而家發覺佢依賴了我，自己沒責任)，愛佢我唔計較，不放棄抹乾眼淚繼續教，換来佢只記得我鬧佢嘅說話？鬧佢之前佢自己有幾離譜佢又唔去反省？ 如果我對佢冇要求，生活可以好和諧，但我就係做吾到睇住佢撞板。
私人傳訊

tutik


侯爵府

積分: 23992


4#
發表於 19-3-25 09:23 |顯示全部帖子
mbsmime 發表於 19-3-25 01:52
教小朋友勞氣已經辛苦。 仲要遇着個另一半成日粗聲粗氣鬧小朋友。沒有耐性去解釋教小朋友。粗聲粗氣警告完 ...

本帖最後由 tutik 於 19-3-25 09:37 編輯

本帖最後由 tutik 於 19-3-25 09:28 編輯

我老公又係咁㗎，成日大大聲鬧仔鬧完之後個仔係咁狂喊，佢又唔氹返。平時唔多理個仔，由佢出世講得最多果句係「唔好搅」，剩識點佢去讀書，讀書我理開， 佢覺得個仔有嘢做就唔會煩佢 。
尋晚又係咁，話個仔唔去操卷喎(今日開考，我同佢温完五、六点已收工)，仔無聊攪其他野，打雷咁大聲鬧仔，搞到個仔匿個床度喊話自己成日比人鬧，我又要畀佢敷mask嚟氹返佢先識笑返 。
呢個帖真係好，畀大家呻下， 又沒有批判性， 好多時 人哋唔明就會覺得係咪我都有問題教到個仔咁。其實我做幾多功夫無人知道，最想嘔係聽到啲媽咪(仔同學家長)話自己果件㸃叻㸃自動波我無理佢架。。。。個細路企企理理鬼唔知咩！我件甩皮甩骨麻。

私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見