夫婦情感

跳至

首頁

尾頁
   4


複式洋房

積分: 110


發表於 19-3-17 10:34 |顯示全部帖子
回覆 瑤瑤~ 的帖子

佢袋最貴3xx既,你完全講中我心中所想,佢又唔會主動離婚,感覺好似慢慢節磨我咁,等我頂唔順自己走,佢知我一定冇錢同佢打官司,又冇外家返,恰得就恰,當初生完仔之後,成家好似變到要仔唔唔要媽咁,但佢地又唔識湊,又爭住湊,而家個仔3歲,開始大冇以前咁誇張既,但都講到明幾多錢都要打返黎。唔會睇住個仔同我出去租劏房住,我都有諗過我自己搬出去先,安排好先接埋個仔同我住,但係我自己出得去先,之後一定好難接埋個仔。


子爵府

積分: 13734


發表於 19-3-17 10:35 |顯示全部帖子

回覆樓主:

如果婚前未生唔係咁 真係好似一個局氹人落踩
重男重得好緊要 同埋感覺好似要個生仔機器加妹仔
但小朋友咁細 坐底傾下睇下有無轉機啦 有d人唔知自己做得唔岩架


複式洋房

積分: 110


發表於 19-3-17 10:39 |顯示全部帖子
回覆 bobo88hk 的帖子

已經傾過好多次,佢地最興反口,之後話冇講過,我真係好失望。錯就永遠人地錯,自己永遠都係岩個位,下下輸打贏要,有咩事都係追究責任先,唔係解決問題先


複式洋房

積分: 110


發表於 19-3-17 10:42 |顯示全部帖子
回覆 Yusum 的帖子

原本我同我老公住先,之後先搬入黎一齊住,話阿媽年紀大,唔想佢自己一個住,所以先一齊住。


複式洋房

積分: 110


發表於 19-3-17 10:45 |顯示全部帖子
回覆 858D 的帖子

係,我成日同佢,我係嫁左比你,唔係賣左比你!


複式洋房

積分: 110


發表於 19-3-17 10:48 |顯示全部帖子
回覆 做個靚太 的帖子

生B前佢唔係咁架,生完就變左另一個人架。


複式洋房

積分: 110


發表於 19-3-17 10:52 |顯示全部帖子
回覆 RisaRisa 的帖子

有啊⋯⋯有返兼職,有得佢講,就算我返全職都唔夠佢多,唔通就唔做?費事又比佢話多樣


大宅

積分: 4154


發表於 19-3-17 10:55 |顯示全部帖子
lbalbee 發表於 19-3-17 10:42
回覆 Yusum 的帖子

原本我同我老公住先,之後先搬入黎一齊住,話阿媽年紀大,唔想佢自己一個住,所以先一 ...

本帖最後由 Yusum 於 19-3-17 10:56 編輯

點解你要咁做呀?個個女人都希望自己一家可以獨立住開,但你竟然走回頭路去令自己難過?我曾經都同我99住,住咗都好多年,好辛苦用了好多時間先感化到我老公走自己住開,所以我好明白同99住係乜野一回事!同99住係令感情衰竭最快的利器!
年紀大可以搬近d去照顧,唔應該一齊住,同99一齊住嘅JM有幾多個會快樂?你現在入咗去就唔洗指意再可以搬返出來自己一家住!
我真係替你難過!你要扭轉乾坤,就要心狠,好好地找一日同你老公平心靜氣坐低傾下,你一定要令到你老公願意同你搬返出來重新開始!你們嘅婚姻先會仲有希望!如果還想補救你要加油!


複式洋房

積分: 110


發表於 19-3-17 10:55 |顯示全部帖子
回覆 空巢媽媽 的帖子

係啊,生完就慢慢變到咁喇,奶奶係之後先一齊住既,佢咁錫佢媽,梗係搬都一齊啦⋯⋯唉


男爵府

積分: 7514


發表於 19-3-17 11:50 |顯示全部帖子
lbalbee 發表於 19-3-17 09:54
回覆 Solarflare 的帖子

其實我意思唔係想講我怕熱同唔凍得架,我只係形容個地方,婚前我有返工,間唔中落 ...

本帖最後由 Solarflare 於 19-3-17 11:51 編輯

如果你同佢結婚前係有落鋪幫手, 佢可能有個錯既 expectation, 就係覺得結婚生仔之後你可以唔做野, 一邊睇仔一邊落鋪幫佢手。我估佢從來無同你 discuss 過佢呢個想法, 只係諗住生左仔之後強加係你身上。但生仔後種種原因令你唔想再落鋪幫。咁而家你地係一個拉鋸既情況入面, 你想出去做野, 你老公多多 excuses, 話你搵得少, 唔比99幫你手湊仔, 做好多野希望迫你落鋪幫佢搵錢 (而唔係出去打工搵你自已既錢, 變左你 financially 一直要靠佢)。

我諗你老公都大男人, 如你吾想離... 你自已要諗下點拆, 或者你自已試下轉型... 番office工。讀個acct 証書之類... 找份 office 工唔難。咁就可以就番時間湊仔,可以一試。


複式洋房

積分: 110


發表於 19-3-17 12:07 |顯示全部帖子
回覆 rubiks 的帖子

睇完你既回覆,一路睇一路喊....係佢地屋企眼中,我只係發小姐脾氣,個老公咁辛苦賺錢養家,都唔知足。
我以後會好好尊重自己,照顧好自己先照顧到個仔。


複式洋房

積分: 110


發表於 19-3-17 12:10 |顯示全部帖子
回覆 Solarflare 的帖子

佢而家講明只要個仔了,同埋我都唔想再繼續一齊落去。真係唔識同佢相處,我做咩都係錯....


複式洋房

積分: 110


發表於 19-3-17 12:15 |顯示全部帖子
回覆 Yusum 的帖子

初時覺得佢話年紀大,之前見過幾次,都覺得應該冇問題既,我都知錯晒喇。我相信我老公寧願叫我走多過唔同佢媽住。


珍珠宮

積分: 35559


發表於 19-3-17 12:22 |顯示全部帖子
做個靚太 發表於 19-3-17 09:58
睇到尼D男家,真心唔明點解有女人肯嫁~
女人呀~尊重自己多D啦~
你仲要做ftm,咪盞玩死自己~
當然有女肯嫁啦,一山還有一山低嘛。香港地再冇,咪翻大陸搵個湖南村妹,做到成頭牛咁都唔怨。比起鄉下男人的經濟能力,樓主老公好好多。
女人幾咁尊重自己都好,如果冇外家撐住,掉反轉頭外家還要靠自己出人頭地照顧翻轉頭的,如果自己經濟上獨立唔到,幾尊重自己都冇用,咱餓死父母瘟臭屋。生活經濟穩定最重要。見自己身邊好多女人搵人嫁都係想博一舖搵個長期飯票。自己唔使出去打工受老闆氣。樓主其實嫁得唔差吖,看舖都唔使睇老世面色,隨時頂老公嘴,哎交都唔驚炒魷。
好似我自己學歷高,人工高,同人打工,邊樹有背景可以同上司爭辯。我一手停就一家三代口停。
女人自己幾尊重自己都好,遇唔到個長期飯票做老公就係遇唔到,好男人都已經係人夫,唔係自己,幾好都唔係自己老公,與自己的益處無關。做人小三即係同人地大婆爭飯碗,Lee 碗飯爭唔落,難上加難。原來搵個理想男人的競爭性都好大。

Love is when the other person’s happiness is more important than your own  ~ H. Jackson Brown


伯爵府

積分: 17367


發表於 19-3-17 12:24 |顯示全部帖子

回覆樓主:

走吧啦佢都唔當你係人, 喺佢心目中你只係生仔機器同埋阿四, 一個唔聽話嘅阿四佢要嚟都冇用, 講到自己排檔賣袋咁好搵,其實而家有淘寶呢啲檔口仲生存到㗎咩? 你再跟住佢都唔慌有好日子過


男爵府

積分: 7514


發表於 19-3-17 12:47 |顯示全部帖子
lbalbee 發表於 19-3-17 12:10
回覆 Solarflare 的帖子

佢而家講明只要個仔了,同埋我都唔想再繼續一齊落去。真係唔識同佢相處,我做咩都 ...

咁你要為自已鋪定後路。
睇你想唔想爭個仔, 可以找社工, 找律師, 問下意見, 點樣增加你既勝算。
女人最怕嫁錯郎。你老公都唔珍惜同尊重你, 你有決心離開佢, 對你或者係好事。


大宅

積分: 4154


發表於 19-3-17 12:55 |顯示全部帖子
lbalbee 發表於 19-3-17 12:15
回覆 Yusum 的帖子

初時覺得佢話年紀大,之前見過幾次,都覺得應該冇問題既,我都知錯晒喇。我相信我老公 ...

返得去一齊住想回頭已經係件難事!但有小朋友,做女人無人希望自己個家會就咁散,補救過唔得就無遺憾,但首先你要控制衝動,平心靜氣,大家先有得傾落去,或者你冷冷問你老公:你贏咗自己老母但輸咗個仔阿媽,值得咩?你覺得值得就繼續去做喇!


複式洋房

積分: 110


發表於 19-3-17 12:57 |顯示全部帖子
回覆 肥肥寶 的帖子

而家偉大既淘寶咩都有,不過佢都堅持到咁耐,算係咁。我都覺得我似阿四多過老婆⋯⋯


複式洋房

積分: 110


發表於 19-3-17 13:00 |顯示全部帖子
回覆 Yusum 的帖子

佢剛剛同我講:比你肯到啦⋯⋯你要走定你帶埋個仔走,你鍾意啦⋯⋯


複式洋房

積分: 110


發表於 19-3-17 13:04 |顯示全部帖子
回覆 Solarflare 的帖子

嗯,剛剛已同我講:比你肯到啦:你要走定帶埋個走,你鍾意啦⋯⋯霎時間要我地走,而家要諗諗點樣先,我驚過左今日,隨時反口唔比我帶仔走。

首頁

尾頁

跳至