求産後補而不燥的湯水

she811
|
聽人話産後百天是進補佳期,頭两個月基於各種原因唔敢補。上星期開始燉各種湯希望盡最後的努力補返下,蟲草雞、鹿茸高麗参、黨参北芪....飲左可能三四日BB開始連續4日無便便,呢幾日仲成面一粒粒好似油脂咁,因為全母乳B,所以擔心系比湯水影响左
大家有無D補而不燥的湯推介下。謝謝(emoji)
EstrellaDamm
|
she811 發表於 19-3-17 23:53
聽人話産後百天是進補佳期,頭两個月基於各種原因唔敢補。上星期開始燉各種湯希望盡最後的努力補返下,蟲草 ...

幾點供你參考返:

產婦身體個個唔同,未必需要所謂大補。家人做中醫,強調鹿茸呢類補品並唔係人人啱食。我自己睇嘅中醫亦稱無事無幹唔使特別調理。

如果BB食全母乳,一日幾次大便又或者幾日一次大便,都可能係正常。要留意BB有冇放屁,有就通常問題唔大。亦可每日幫BB以輕柔手勢按摩肚仔。

BB出世頭一兩個月,有可能出現類似油脂粒嘅新生兒痤瘡/BB暗瘡。呢種情況好常見,同餵母乳與否或媽媽飲食無關,反而係受母體遺留落嚟嘅荷爾蒙影響加上BB毛孔未成熟所致。一般唔使特別治療,只需保持清潔,每日用熟水棉花幫BB抹面。

如果唔肯定BB皮膚係本身BB暗瘡問題還是因為媽媽「太補」,可暫時停服補品再觀察BB反應。

haha748494
|
回覆 EstrellaDamm 的帖子

你分析得好有道理,人奶B,媽媽都系要注意飲食, 我冇乜進補,飲魚湯為主。
asukav6
|
其實唔使特別補,飲食均衡重要D,如果人奶媽早餐食米飯更佳
我要做媽媽
|
補既我覺得都係會有D燥架,可以適當咁進補,但係均衡飲食係最重要既
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽