可以參考我之前嘅post, 38歲惡菲就係佢喇。
第一日返工已經叫我炒佢,又要求每日俾錢佢買早餐+午餐,講明話食開麥記做lunch,改唔到喎(但係我見工時有講明兩個仔分上下午,係會困身啲,冇得自己落街放lunch),清潔唔做,黎左4個月都唔知抹左幾多次塵。久唔久就撩交嗌,借機發癲,試過叫佢每次接完放學返黎,要將件校褸反返好先掛衣架,佢就痴左線咁尖叫「What? why not you fire me?」開口埋口都係咁問,人都癲。洗碗永遠唔加熱水,只會凍水用手撩兩撩,捽走啲漬就當洗完,碟背冇洗過,有上次餸漬都夠膽死…以上原因都係因為佢要留指甲,油哂指甲咁,點會肯落手做清潔吖…都唔係黎返工嘅