吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 教養問題，請指教

心聲留言今日: 27|主題: 17334

收藏本版

發帖

返回列表

跳至頁

查看: 5463 | 回覆: 7

教養問題，請指教 [複製鏈接]

chimabbb

別墅

積分: 736

1^#

發表於 19-6-1 23:06 |只看該作者 |倒序瀏覽 |打印

話說我個囡由細到大都好痴我，我亦都有我自己教小朋友0個套，我唔主張責罵同埋比壓力小朋友，但品德我覺得好重要。
但當然唔係話咁耐以黎冇閙過，只係平時我都唔會咩事都閙個小朋友，同埋我需要囡囡知道媽咪其實好愛佢同好鐘意佢，只係媽咪有媽咪既要求，希望佢可以做個有自信心，有愛心，同整潔有禮貌既好孩子。

至於我個方法都係會預先講我既要求，請囡囡同意，唔同意，我地會商量，我都會解釋原因，好好彩，我囡囡宜家係一個好正面既小朋友，冇咩品德同社交問題。

0 0 0

私人傳訊

chimabbb

別墅

積分: 736

2^#

發表於 19-6-1 23:12 |只看該作者

chimabbb 發表於 19-6-1 23:06
話說我個囡由細到大都好痴我，我亦都有我自己教小朋友0個套，我唔主張責罵同埋比壓力小朋友，但品德我覺得 ...

而我宜家覺得比覺大既問題係，當我在場既時候，我囡囡係完全唔理4大長老同我老公講既野，會痴住我，同我玩同講野。
呢個問題真係都幾困擾我。
我知囡囡一樣好愛我同鐘意我，但連我老公講既說話都唔聽既時候，會令到我同老公之間都多左問題。
其實我知老公好錫個囡，基本上3歲前都冇閙過個囡，而黑面都係我做。但當個囡開始大，要返學，我唔知我老公咩原因開始對佢啲言語同埋語氣就開始唔係咁好，會閙佢啦，會係咁吹個囡做咩做咩，我覺得係只要佢一講完，個囡冇即時做佢要求既野，佢就會開始話佢，當然語氣係責罵，同埋不停repeat同一個指令。

私人傳訊

chimabbb

別墅

積分: 736

3^#

發表於 19-6-1 23:21 |只看該作者

chimabbb 發表於 19-6-1 23:12
而我宜家覺得比覺大既問題係，當我在場既時候，我囡囡係完全唔理4大長老同我老公講既野，會痴住我，同我玩 ...

我覺得小朋友係要比多啲耐性，無論係教定係比佢地完成我地比佢既指令。
姐係比著係大人，聽到我老公咁樣教法都覺得好難聽同心情唔好。
其實我老公都係0個啲你想佢做野，佢都唔會即刻同你做既人，所以我唔鐘意佢咁吹個囡。
不過，好矛盾，我知就算我點講佢都唔會改呢個教育方法，但我又好想個囡會聽佢話。。。。
我試過係佢吹個囡既時候叫佢唔好係咁吹，試過私底下同佢解釋。當然都唔係咁易佢改得到。因為我覺得某程度上，老公對個囡做某啲事已經有左個假設。例如：小朋友食飯食到一半話去大小便，我老公一下就會話唔準去，其實我知原因係佢假設左呀囡因為唔鐘意食飯而搵野逃避

私人傳訊

chimabbb

別墅

積分: 736

4^#

發表於 19-6-1 23:31 |只看該作者

chimabbb 發表於 19-6-1 23:21
我覺得小朋友係要比多啲耐性，無論係教定係比佢地完成我地比佢既指令。
姐係比著係大人，聽到我老公咁樣教 ...

我覺得咁樣諗都無可厚非，我都會咁諗，但我覺得呀囡真係有呢個需要，咁我比囡囡去廁所，就搞到好似我同老公唱反調，跟住又嘈。。最慘就係62，99都唔明，唔會教個老公，只係盲目地叫我下次一個教緊既時候，另一個唔好出聲。
我都好想知，係咪真係需要咁先可以令到囡囡聽老公講，就算我老公話錯個囡，我都唔可以出聲？
其實問心，囡囡真係好乖好positive,仲好有愛心，只係佢會分心同手腳慢同貪玩，我唔覺得佢要受呢啲氣，其實我用講就可以令個囡聽話，但老公就算閙，個囡都唔聽佢話。
唉，係咪我做錯左所以個囡先會咁樣蝦我老公。。。

私人傳訊

chimabbb

別墅

積分: 736

5^#

發表於 19-6-1 23:34 |只看該作者

chimabbb 發表於 19-6-1 23:31
我覺得咁樣諗都無可厚非，我都會咁諗，但我覺得呀囡真係有呢個需要，咁我比囡囡去廁所，就搞到好似我同老 ...

我其實都好無奈，因為就算我點叫個囡要聽爸爸話，只要我在場，我個囡就唔會理，咁樣搞到好似係我錯咁。去到99度都會比佢話個囡，因為個囡唔聽99個囝話，姐係我老公。咁樣我都覺得個囡好慘。。。。

私人傳訊

章魚妹妹

男爵府

積分: 8319

6^#

發表於 19-6-2 01:19 |只看該作者

小朋友平日你湊開聽你講同痴你都好正常！其實教育方面，反而係同老公商量，我經常都捉老公傾，相信我老公仲火爆固執，唯有用佢受落既方法理解自己既理念同小朋友點溝通，都要同返爸爸講女女對佢果套既反應點解會咁所以有誤會...教育小朋友真係好費神，有時都要教育埋身邊果位，始終大家都出身唔同背景既家庭，而男人又需要某d尊嚴。