本帖最後由 Kenluv 於 19-6-17 16:52 編輯
本來我都有睇開佢個 page, 我自己都係準媽媽
但係有朋友叫我喺倫敦人西先生個page果度睇完之後,我覺得呢個所謂"KOL"好恐怖
原本我諗住搵佢做陪月,不過原來佢嘅為人喺咁
仲因為靠自己知名度而喺網絡聯公審人唔肯道歉搞到受害人要出律師信
而告佢誹謗,睇翻佢無悔意不單止重用粗口回應
https://www.facebook.com/groups/401516367020949/permalink/618401915332392/
不過講返佢先,聽受害媽媽講因為佢(2 wrong)本身係KOL所以成日返工噤電話,連薑都唔識拍,
受害媽媽陪月餐包括海底撈湯烏冬芝士腸
話佢煮餸十分難食, 最重要嘅,係冇攪清楚客人身體狀況,就煮黃酒雞俾坐月媽媽食食到客人血崩
原文如下:(來自倫敦人西先生手記)
https://www.facebook.com/groups/401516367020949/permalink/618699105302673/
黑心陪月二wrong,冇攪清楚客人身體狀況,就煮黃酒雞俾坐月媽媽食,食到客人血崩。然後最PK嘅係,客人4號血崩求助,佢5號放客人飛機話唔到?!唔去照顧人?!佢平時唔係大仁大義到連網友叫到都會9秒9咁狗衝去幫人嘅咩?而家喺客人最需要佢嘅時候佢咁樣離棄人?!害到客人血崩後淆底驚要上身,所以唔敢蒲頭執手尾呀?客人心灰意冷即時終止合約,二wrong仲好意思攞數簿計完收尾數?!仲好意思同日出文話自己愉快心裡送?!
大家可以睇埋二wrong响6月5號出嘅「愉快心裡送」個post,愉快心裡送?二wrong6月4號先話自己屋企死人㗎喎?!睇埋留言,二wrong仲話受害人係 “衰case “ ,又懶好心話要去探另一個媽媽。唔該啦,人哋真金白銀請你做陪月,搞到人血崩你都冇去睇人呀!响粉絲面前乜嘢:
好人呀?!
:
KOL 出文反擊四月客人指控,盲粉們仲留言撐佢撐到冚冚聲,又話要追究又叫二wrong po受害人出嚟示眾,成班齊齊高潮咁款。
但!係!二wrong剛剛忽然删post!
比人cap 圖如下
https://www.facebook.com/photo.php?fbid=10156587771118922&set=gm.620158138490103&type=3&eid=ARBwBZb0JTMZkMKg_TJk32CQbaldLMxa-SNB_vfc1Qx-uAFEMZrgds6kENIsHpRj6ZpChKdT_q9sndKD&ifg=1
https://www.facebook.com/groups/401516367020949/permalink/620158138490103/
https://www.facebook.com/groups/401516367020949/permalink/618498045322779/
深夜又突發!30分鐘前出文反擊四月客人指控,盲粉們仲留言撐佢撐到冚冚聲,又話要追究又叫二wrong po受害人出嚟示眾,成班齊齊高潮咁款。
但!係!二wrong 剛剛忽然删post! 等於大巴大巴打臉所有支持佢嘅盲粉! (被删全文在下面Iris留言處)(重點:成篇反擊文二wrong都冇否認過用海底撈湯底煮芝士腸烏冬做陪月餐、污糟同冇煮補品)
二wrong話自己唔識受害人,意思係話冇接過受害人嘅生意;但一轉頭就數臭呢位佢「唔識」嘅受害人?!
媽呀我好亂呀!咁即係識定唔識呀?!
同埋大家可以睇最後一張圖,二wrong講到自己咁有道理、啱晒咁,做乜要咁死狗同受害人再三道歉Say sorry?! 以二wrong嘅烈女型像,有做錯事佢都唔會say sorry啦,何況係冇做錯事?
受害人回應二wrong反擊:
https://www.facebook.com/groups/401516367020949/permalink/618595471979703?sfns=mo
受害人經歷:https://www.facebook.com/groups/401516367020949/permalink/617831168722800?sfns=mo
二wrong害到客人血崩後不顧而去時間線整理。(有watsapp cap圖作証)
https://www.facebook.com/groups/401516367020949/permalink/618699105302673?sfns=mo
之後,仲有受害媽媽親自自白:
https://www.facebook.com/groups/401516367020949/permalink/620158138490103/
1. 返工時間係九至五,講咗10點到,一個禮拜有三至四日,都會遲15至20分鐘。咁當然遲到就一定要補鐘啦。
2. 煮既係咪陪月餐,我就真係冇影低,而且都食唔足個半月。
3. 嗰d李錦記嘅現成醬汁(葡汁時蔬醬、蜜汁蒜香骨醬、海底撈蕃茄湯底)我都肯定我唔只食過兩次,好可惜我只係見過呢三隻現成醬汁,仲有冇其他我就真係唔知。
4. 我係4月22日開刀,係6月3日既中午食左雞酒,飲咗大概半碗左右。下晝已經出緊血,我亦有同佢講。佢仲話唔使驚,係會咁,流返乾淨晒就會冇事。
5. 我自己都記得當中有一至兩晚我出咗去食飯,事前亦都通知過佢,而且問準過佢得唔得閒先出去,亦叫我唔駛急住返嚟,慢慢食,可以10點先返。
6. 5月29至30日,我過咗大海,咁當然都有賭錢啦事前一星期前已經問準佢可唔可以睇過夜,佢話可以我先至book酒店,至於一日三餐我完全唔知道佢冇係買餸錢到扣返,咁我又食咗隻死貓啦。我做人僱主會唔會一日三餐都唔比呀?對個工人都冇咁衰啦
7. 我工人同佢差不多每日都會帶我2個仔落街曬下太陽行下,我工人全程跟到貼,佢只係需要幫我照顧細仔就可以。而且我冇要求佢每日同我個仔落街,係佢自己話同我個仔落街既。
8. 我一家5口連工人一齊住,家姐只係每個禮拜黎一晚食飯,至於我阿媽,佢係英國住,返嚟只係三個星期幫我手搬屋同湊我大仔,由於我係生完之後先搬入新屋住,係我未生之前一星期我媽媽已經到咗香港仲一齊住喺舊屋。我爸爸唔鍾意食嗰啲餸, 所以經常同我媽媽出街食,從來都冇叫過佢煮我爸爸同媽媽餸。我阿媽只係痴我餐食過三餐姐。而佢見我阿媽嘅時間有幾長?您地有數得計。
9. 講到食早餐,每一晚都會問我聽日想要咩早餐,而我老公星期一至五都唔會喺到食早餐,何來要買早餐比我老公食呢?
10. 至於朱古力奶,我從來冇叫過佢幫我買,更何況我有工人,我真係有需要我叫我工人去買的。係佢自己去買朱古力奶同可樂放喺我屋企。咁當然係買餸錢到扣啦。
11. 佢無完約係因為佢放左我2日飛機比我炒左,又無搵人黎頂工,而且已經佢知道我出緊血,真係好不負責任。
12. 至於話星期日返半日?因為佢星期六放假所以咪返星期日囉
依家新增事主家姐親口描述:
1.佢話帶個工人同兩個仔落街,其實工人真係要佢帶?真相係佢同工人帶兩個仔啫,一人湊一個,點解要推轉講?
2.我真係無佢講咁日日係我妹度食飯,媽媽更加無啦,因為好快就翻左英國。
3.我親耳聽到佢提議我妹同我去澳門玩下放鬆下,跟住我妹話唔放得底小朋友,佢就話佢幫手睇過夜,當時我仲覺得佢好好好有心,點知佢又掉翻轉黎講
仲有最後佢係話放翻假就補翻個晚
4我食過一攴佢煮嘅鷄翼,另一攴佢煮嘅海參係真係好難食嘅,好臭,完全食唔落掉哂
5 佢係會煮芝士腸俾我妹食,可能我唔識,不過我估坐月係會食正經啲嘅嘢
6就我所知有幾次佢都遲到但無講聲,最差一次就係最後見到佢個日,遲到1個幾鐘,唔問都唔講,呀妹就等佢煮飯,佢唔到又無飯食,遲左一個鐘無飯食,到左之後煮好飯又話有事要走先,跟住又話6點回來幫妹紮肚,到6點半都唔見人,問佢先話黎唔到
7.最後,佢係文中最後個句,無完約係因為已經做多左,根本係最大嘅大話,點解完約佢好清楚,到而家,我地都唔想不停講佢嘅私事,可能佢自己都唔想講,但都唔可能咁樣冤枉我個妹,自己就做受害者