日期 : 2018年8月18~19。
地点 : 法國醫院
經過 : 上年8月18日太太產檢發覺冇曬胎水,之後緊急入法國醫院開刀。入到去由七點開始等,一路等到8點幾,姑娘話有個急症手術做緊,叫我哋再等下, 一路等到十點都仲係冇位。 原本我哋諗住bb可以係818出世,但冇辦法有急症做緊,點不知一等就等到19號嘅凌晨。 姑娘話手術已經做完要即刻車我太太落去。我同姑娘講我想入去陪產,姑娘同我講唔好意思,過咗夜晚十點鐘不設陪產服務!!!
佢個原因都好搞笑,因為十點後產房唔夠人手,唔方便畀我入去。你哋話呢個解釋係咪好特别?
其實太太知道我冇得培產個反應都好愕然,有怨醫院唔配合。
如果嚟緊各位會去法國醫院生,記得喺時間上要同院方多啲配合,唔好到時又話 冇得入去陪產。睇見其他人有得同bb 同太太影第一張照片,而自己冇都好感慨。