夫婦情感 今日: 0 | 主題: 42439

積分: 342

1^#

發表於 19-6-28 09:24 |只看該作者 |倒序瀏覽 |打印

本帖最後由 Lammm510 於 19-6-28 09:49 編輯

啱啱申請，第一次po文，有時語無倫次，請見諒。可能會長少少，因為我真係好煩惱，如果睇晒既，多謝你地。
簡單啲黎講，我想2人世界，佢想同佢媽，細佬一齊住。

今年24, 同老公拍拖5年，發現有左bb就結婚，依家陀b啱啱滿3個月。

由依家去到生都應該會分開住多，各自住返自己屋企，因為佢個到碌架床上格，我唔方便上落。本身佢話會多啲黎我到訓，因為我間房空間多啲，有張雙人床，不過我媽咪個邊講左啲唔係咁好聽既說話，所以佢依家唔會黎，而且生完坐完月都係去佢到住。

問題黎啦，佢住私樓，有2間房，咁佢係單親家庭長大，佢話要同佢媽住，咁我無得反對唯有接受。佢既安排係整張碌架床，到時個仔，佢，我一間房，另外間房就俾佢媽同細佬。佢細佬係九龍區有間佢名既公屋，平時都係禮拜六日先返黎訓。咁我話唔係成日返，換張梳發床俾佢返黎訓唔得咩，佢就話我自私，淨係諗自己，連張床都唔俾佢。但係我問佢有冇同佢屋企人傾過，佢冇答我，依啲都係佢一個既諗法。

其實依個決定我已經做左好多讓步，不過佢就一步都冇讓過。我屋企個邊有樓收緊租，3房單位，我提議過將佢手上既物業租出去，俾啲租我屋企收，始終係佢地養老金。搬去3房單位，大家都有自己房，佢又話交通唔方便。佢住係市中心就真係方便好多，但3房單位去市中心都係行10分鐘到，就話好唔方便。而且佢話佢媽唔會搬走，但係佢地住緊個到係老公供緊，如果出去住，咪姐係要俾2份租。。。

其實仲有啲其他方法，但係佢就一一反對晒，我真係無晒辦法，依家住自己到都有自己空間，到時去到佢到，真係想靜一靜都冇可能。諗到都好驚。啲人話陀b最緊要開心，但係一諗到依啲就好煩。但係我係咪淨係可以接受。

我同佢相處各方面都冇乜問題，但一牽涉到2家既人就好大問題。好多謝大家睇到依到，可能係到講完個結果都唔會變，因為我同老公已經傾過好多次啦。但係我想知，我咁諗，真係我自私，我思想有問題，定係只不過係我同老公思想價值觀既唔同。

0 0 0

私人傳訊

s_for_samantha

大宅

積分: 4419

2^#

發表於 19-6-28 09:32 |只看該作者

我覺得你個提議幾好不過佢地唔接受都無辦法

可能你老公驚你媽媽又比說話佢聽都理解。咁唯有你地一家三口一間房啦。叔仔都係間唔中先返又同奶奶一間房你阻唔到佢返黎住架啦。遲下佢有女朋友有自己既家庭就唔會過夜。你等下啦。

私人傳訊

李露眉

水晶宮

積分: 51388

3^#

發表於 19-6-28 09:43 |只看該作者

如果係過渡期去娘家住到生,我覺得可以同媽咪再商量下,
我個時都係咁, 我娘家坐月, 前後10星期, 我老公都黎娘家訓,
因為為免我走黎走去,

另外, 佢細佬自己有屋,番黎訓做乜鬼,
番黎訓都唔緊要,唔影響你就得,

至於LOOK架床, 可否換張雙人床?

私人傳訊

積分: 128381

4^#

發表於 19-6-28 09:48 |只看該作者

我講野都比較直, 睇完你唔好嬲喎.

你係唔醒水, 一入門就咁多意見. 應該住下先, 氹到老公 TUP TUP 掂先, 到有功又有勞, 先浸 d 浸 d 加下意見喇.

你新黎就郁叔仔瞓開張床換梳化床, 我覺得你真係 on 居, 我係 99 (佢地呀媽) 都會反對喇, 你老幾呀?

再話搬邊都係大決定, 佢唔想就唔好一扭再扭, 住落睇情況先.

私人傳訊

積分: 342

5^#

發表於 19-6-28 09:58 |只看該作者

本帖最後由 Lammm510 於 19-6-28 10:06 編輯

回覆 Nancy20090615 的帖子

我同佢住左好耐啦，結婚前都係佢到住我無出過聲，但係依家有個仔，唔諗我地都要諗佢

我有講過屯門俾佢地住，同佢細佬交換九龍住，佢又話啲fd係晒屯門，咁我已經冇出過聲啦

如果俾我，有九龍住，仲要唔洗供樓，管理費，差餉。俾得2000幾租，同另一半搬出去住，冇壓力，仲開心，不過佢地既諗法唔係咁。

私人傳訊

Challll

積分: 380

6^#

發表於 19-6-28 09:58 |只看該作者

"佢既安排係整張碌架床，到時個仔，佢，我一間房，另外間房就俾佢媽同細佬。"
咁細個BB 點住碌架床，間房可以放BB 床？

其實你提意搬去3房果到幾好，但我唔係好明，你男朋友個亞媽點解畀2份租，姐係點計？？？
你同你男朋友個亞媽關係點呀？你地傾左幾耐？你男朋友做咩工作？
D 男人成日唔諗長遠，咩都好簡單。男人好多時一尾諗屋企，所以特別多男人愚孝，自己收收埋埋唔比屋企知道，自己諗晒，又諗得差!!!

私人傳訊

aztecs

大宅

積分: 4772

7^#

發表於 19-6-28 09:59 |只看該作者

自私到極, 所有野都係諗自己先

老人家點會想搬, 又拆走人張床...

私人傳訊

積分: 128381

8^#

發表於 19-6-28 10:07 |只看該作者

Lammm510 發表於 19-6-28 09:58
回覆 Nancy20090615 的帖子

我同佢住左好耐啦，結婚前都係佢到住我無出過聲，但係依家有個仔，唔諗我地都 ...

我係叔仔, 我做乜要同你交換呢?

私人傳訊

積分: 128381

9^#

發表於 19-6-28 10:09 |只看該作者

Lammm510 發表於 19-6-28 09:58
回覆 Nancy20090615 的帖子

如果俾我，有九龍住，仲要唔洗供樓，管理費，差餉。俾得2000幾租，同另一半搬出去住，冇壓力，仲開心，不過佢地既諗法唔係咁..

點解會唔使供樓? 你想佢細佬孭晒屯門支出?

私人傳訊

積分: 342

10^#

發表於 19-6-28 10:09 |只看該作者

回覆 Challll 的帖子

個單位係男朋友名，佢供緊樓，如果我地搬佢媽唔搬佢要一邊供樓一邊俾租

私人傳訊

積分: 342

11^#

發表於 19-6-28 10:14 |只看該作者

本帖最後由 Lammm510 於 19-6-28 10:22 編輯

回覆 aztecs 的帖子

可能我講得唔清楚，個層樓係老公名，佢供緊樓，佢細佬出面有層公屋，同女朋友2個人住緊，亦方便佢返學。
至於間房俾我地，係老公意思。但係我地手頭好緊，裝修少間房就慳多幾萬蚊，我有講佢可以係我到住，不過佢唔願意，如果我搬入去，佢媽都係原來間房唔洗郁

私人傳訊

積分: 342

12^#

發表於 19-6-28 10:21 |只看該作者

回覆 Nancy20090615 的帖子

屯門支出我老公俾，包括供樓差餉管理費，咁水電煤佢媽俾，因為佢媽俾埋佢細佬同女朋友公屋個邊。但係如果我搬入去住，我一定叫老公我地自己俾返。

私人傳訊

積分: 128381

13^#

發表於 19-6-28 10:27 |只看該作者

Lammm510 發表於 19-6-28 10:21
回覆 Nancy20090615 的帖子

屯門支出我老公俾，包括供樓差餉管理費，咁水電煤佢媽俾，因為佢媽俾埋佢細佬 ...

我都係唔係好明你講乜.

即係屯門樓你老公供緊+差餉管理, 雜費佢媽比.

間公屋係佢媽名, 佢媽比租, 比左叔仔同佢女朋友住, 係咪咁呀?

私人傳訊

積分: 342

14^#

發表於 19-6-28 10:28 |只看該作者

回覆 Challll 的帖子

碌架床係預定佢大啲訓，下面雙人床，上面單人個隻，bb床會照買。
我同佢媽關係都ok, 所以佢話同佢媽住我都接受左。係有時傾電話成日話邊個唔好邊個唔好，我驚第時個仔聽到學晒依啲野

私人傳訊

CP301

大宅

積分: 1231

15^#

發表於 19-6-28 10:48 |只看該作者

Lammm510 發表於 19-6-28 10:14
回覆 aztecs 的帖子

可能我講得唔清楚，個層樓係老公名，佢供緊樓，佢細佬出面有層公屋，同女朋友2個人住 ...

老人家未必想搬，呢點你要尊重。
叔仔同奶奶訓，唔需要介意。
你老公同叔仔都錫媽媽，可能你奶奶好辛苦湊大佢地，你要學下尊重佢同錫佢。
你應該淨係諗點改變自己間房，睇下放唔放到BB床，好多家庭都係一家三口一間房，唔好一開始就要所有人就你，地方大細唔會影響你一家三口的感情，已經有個小小空間(房間)，都叫比上不足比下有餘。另外，我覺得你老公唔會考慮你的計劃，係因為怕你屋企人，又比説話佢聽，所以你都要體諒。

私人傳訊

積分: 342

16^#

發表於 19-6-28 10:50 |只看該作者

回覆 Nancy20090615 的帖子

其實好復雜，同埋關乎到私隱既問題所以唔係好想公開地方講。所以好多野都唔方便講。
私樓老公名，公屋細佬同佢媽名。

私樓因爲係老公名，所以關乎到樓既都係佢俾，水電煤係佢媽俾。咁佢地不嬲都住開，所以同佢媽住都唔係問題，我都接受左。不過到時仲多埋我同啊仔，個空間仲會少左，仲要預都俾佢細佬，仲未計屋企4隻貓一隻狗

私人傳訊

KoneyB

子爵府

積分: 12689

17^#

發表於 19-6-28 10:53 |只看該作者

唔係好明點解要搞叔仔張床？
瞓沙發床喺廳咪仲唔方便？

私人傳訊

KILW

男爵府

積分: 8376

18^#

發表於 19-6-28 11:01 |只看該作者

如果財政上許可，一家三口根本無可能長期一間房，今日可以暫時一齊住，但長遠老公要比到個deadline同方案黎，個仔幾歲時分房，係咪永遠都要留個床位比叔仔，佢將來住屋諗住點攪。
我覺得要一早計劃係好現實問題，今日唔傾做駝鳥無意思，雖然話將來唔知一定係點，但比著我，我要知佢起碼有考慮過我同個b，阿媽細佬係重要，但如果因為咁而打算長久地將個老婆同仔嘅基本生活要求放到咁低，我會好心淡囉。

私人傳訊

honeybid2

男爵府

積分: 8127

19^#

發表於 19-6-28 11:03 |只看該作者

Lammm510 發表於 19-6-28 09:24
啱啱申請，第一次po文，有時語無倫次，請見諒。可能會長少少，因為我真係好煩惱，如果睇晒既，多謝你地。
...

男家有樓點會考慮搬入女家名下樓度住，唔止搬老公仲要搬埋奶奶去女家樓度住？樓主你真係太年輕冇諗過背後既家庭角力關係。
另外，睇黎你老公一係太年輕仲未想自己獨立生活住，一係都係半個「媽寶」，所以你可能要預以後都要同奶奶住。要有心理準備。一係接受現實，一係教育你老公。至於你叔仔，唔係成日返又好快會成家立室，唔使理佢啦。
你老公既提議其實係make sense，係你好唔想同奶奶住呢個係問題，呢個版面好多JM 都係咁。

私人傳訊