Hello c.chloe, 奶癬常見係BB面上, 流口水嘔奶後刺激到皮膚, 面上可能會出現紅色一撻撻; 熱痱多出現於BB頸項、背部和胸前等部位, 汗液積聚在皮膚上, 造成毛孔阻塞, 就會產生細小凸起的紅疹, 媽媽可以先幫BB保持皮膚乾爽, 增加保濕次數, 繼續觀察住BB情況, 如果紅疹情況惡化 (更加紅腫/粗糙/愈生愈多), 就建議問問醫生意見先啦, 平時BB會唔會好大汗?
濕疹較多見於面、手、膝頭等位置,皮膚會又紅又"鞋",通常係接觸到致敏源引起 ( 常見引起濕疹致敏源包括: 高蛋白食物、昆蟲、化學物、洗頭水、沐浴露、塵蟎、花粉) ,BB皮膚幼嫩,用無香料、成份天然沖涼液,沖涼時間唔好太耐,水溫唔好太熱,沖完涼趁皮膚仲有水份,揸薄薄用無香料成份天然lotion、橄欖油加強保濕。如果D 粒粒持續未有改善/愈來愈多比較"鞋"手咁,就有機會係濕疹,睇睇醫生揾出致敏源,盡量避開致敏源濕疹就會慢慢改善。 BB依幾日皮膚有冇改善嗎?