Hello c.chloe, 奶癬常見係BB面上, 流口水嘔奶後刺激到皮膚, 面上可能會出現紅色一撻撻; 熱痱多出現於BB頸項、背部和胸前等部位, 汗液積聚在皮膚上, 造成毛孔阻塞, 就會產生細小凸起的紅疹, 媽媽可以先幫BB保持皮膚乾爽, 增加保濕次數, 繼續觀察住BB情況, 如果紅疹情況惡化 (更加紅腫/粗糙/愈生愈多), 就建議問問醫生意見先啦, 平時BB會唔會好大汗?
c.chloe 發表於 19-7-14 11:42
面同頸好似有d 唔同，我影左相，可否幫手睇下？謝謝！
濕疹較多見於面、手、膝頭等位置，皮膚會又紅又"鞋"，通常係接觸到致敏源引起 ( 常見引起濕疹致敏源包括: 高蛋白食物、昆蟲、化學物、洗頭水、沐浴露、塵蟎、花粉) ，BB皮膚幼嫩，用無香料、成份天然沖涼液，沖涼時間唔好太耐，水溫唔好太熱，沖完涼趁皮膚仲有水份，揸薄薄用無香料成份天然lotion、橄欖油加強保濕。如果D 粒粒持續未有改善/愈來愈多比較"鞋"手咁，就有機會係濕疹，睇睇醫生揾出致敏源，盡量避開致敏源濕疹就會慢慢改善。 BB依幾日皮膚有冇改善嗎?
c.chloe 發表於 19-7-15 17:04
腳好左好多，但頸就無乜好轉，仲有嚴重左的感覺，集中係前頸折住左嗰一大半個圈，後頸無折就無，面面都無
...
BB新陳代謝較成年人快，比大人更容易感應到四周溫度嘅轉變，會比大人更容易出汗，出汗/流口水/嘔奶醃住皮膚，尤其是關節摺位容易藏污，沖涼時要留意BB摺位清潔，保持皮膚清潔乾爽再搽返天然冇香料嘅潤膚膏，避免同BB著太多衫，最好穿著材質柔軟、透氣、排汗功能好嘅純棉衣服，沖涼水溫唔好太高、用溫和皂液，睇下會唔會有冇改善。
發表於 
返回列表
