whywhite22 發表於 20-7-15 05:36
網上小說我只係睇過楚喬傳、花千骨、香蜜沉沉。睇完劇覺得好睇再睇埋書
...
我都係多數睇劇先或者一邊睇劇一邊睇書,有時等唔徹劇更新,又或者想睇下劇改成點,多數都係書好睇過劇,除咗步步驚心、瑯琊榜,原著同劇一樣咁好;花千骨就劇不如書,雖然書都麻麻地(又係抄襲)三生三世十里桃花劇好過書,書太亂細節太粗糙,要好多幻想去湊番埋,劇精彩好多;楚喬傳就書好過劇,主要劇爛尾,同埋為咗戲份,部份男二嘅戲變成男一,冇計啦,林更新圈粉多過同名氣大過竇驍;丁墨嘅小說都係睇書好過,特別係現代商戰果種,往往將愛情部份加/改到近乎白痴,推理同謀略又不在線;知否就真係要睇書,書合理好多,同埋仔細好多,但中間有講當時制度社會規矩係比較悶,我有跳過形容辭細節唔睇,劇都算好睇,但小說真係好睇好多。
花旗太太生活在花旗國,留意時差,你問我未必即時答到。