小朋友大脾氣,可以點教 Part II

SandraLo
|
謝謝版主提醒, 已過了二千個posts, 要開新topic 了!

小朋友的脾氣問題, 來來去去都是那十種八種, 各位媽咪如有時間, 抽這 Part 1 其中一些posts 來看, 對教小朋友也會有幫助的, 特別是見到別人成功, 自己信心也會大些:

http://forum.baby-kingdom.com/viewthread.php?tid=840915&extra=&page=1

[ 本帖最後由 SandraLo 於 09-10-10 23:03 編輯 ]
SandraLo
|
禮信媽媽:

接觸小朋友最多嗰個, 如果經常同佢講打打, 咁就算佢只出過幾次手, bb都會學咗, 如咁嘅情況持續, 就算你自己係教仔專家, 完全識点處理, 都會冇乜用……..
就好似你一方面好努力咁去讚一個小朋友冇扭計, 另一方面, 佢扭乜你就俾乜, 咁任憑你点讚, 佢依然都會係扭, 因為扭到嘛!
除非呢個ee唔再講個「打」字, 否則, 你係冇嘢可以做得到!
禮信媽媽
|
首先要好多謝你嘅回覆.

咁換句話說, EE如果真係無再打及講打的話.我一方面好努力咁去讚係處理得到?


請問係咪照番我之前問你咁做呢?
打空氣死物拍檯等可以暫時ignore?
禮信媽媽
|
HI SANDRA

唔好意思, 仲想請問下, 如果叫EE配合方面, 我費事教佢讚,IGNORE驚佢攪亂檔,
係咪叫佢BB打人時, 簡單平淡講一次唔好打人, 就算即時再打人,打空氣,死物宣示不滿, 都要扮睇唔到 ?

十萬個謝謝.
SandraLo
|
原帖由 禮信媽媽 於 09-6-5 23:27 發表
HI SANDRA

請問係咪照番我之前問你咁做呢?
打空氣死物拍檯等可以暫時ignore?

唔好意思, 仲想請問下, 如果叫EE配合方面, 我費事教佢讚,IGNORE驚佢攪亂檔,
係咪叫佢BB打人時, 簡單平淡講一次唔好打人, 就算即時再打人,打空氣,死物宣示不滿, 都要扮睇唔到 ?

十萬個謝謝. ...


禮信媽媽:

「EE如果真係無再打及講打的話.我一方面好努力咁去讚係處理得到?」 ~~ 正是

「請問係咪照番我之前問你咁做呢」~~ 對

「打空氣死物拍檯等可以暫時ignore?」 ~~ 對

「係咪叫佢BB打人時, 簡單平淡講一次唔好打人, 就算即時再打人,打空氣,死物宣示不滿, 都要扮睇唔到 ?」~~ 對, 打中人簡單話唔得, 發自己脾氣打空氣就ignore當睇唔到!
禮信媽媽
|
hi sandra

非常感激, 明白哂..
好希望可以快d上黎報喜..
SandraLo
|
sandraLo:

我囡囡1歲半,有以下問題想請教你:

1. 她有時會打人,尤其是不開心時.
2. 坐車不能坐定定,過了15分鐘左右便想落地或站立.你給她玩具,她很快便玩厭

我想問:

如果用讚賞加上罰站naughty corner可行嗎?我試過罰站,她完全明白你是罰她,但有時她不哭,趁你不望她,會行前幾步,我叫她行番去,她會行.到1.5分鐘,我行過去告訴她罰的原因,叫她say sorry,她會講和做手勢.但是,過了不久,又重犯了.


tabo817 :

你睇吓我答禮信媽媽個post, 你囡囡有冇呢d 情況發生?即係凑佢嘅人成日將「打」掛响口邊?
佢打人有幾頻密?如一日只有一兩次, 我建議只用讚+ ignore先, 因為囡囡只得歲半, 未有言語表達能力, 當佢發現打人你就「啋」佢同「有反應」時, 佢好容易會錯用打人嚟「叫你」, 因此, 如佢嘅打只係用手拍吓, 可以唔好用罸住, 佢有機會唔介意呢種罸!

歲半bb能自己坐15分鐘已不錯, 我明白有少數bb可以自己同自己玩, 但真係少數, 我家小姐細個時無論坐車食飯都有一定時間要”entertain” 佢, 唔會話自己玩唔駛人理, 例如去飲茶嗰陣, 我會同佢一齊劃點心紙, 一路講吓笑, 都第一樣食物嚟到就要開始坐好食, 中間會讚佢坐得好冇落地, 到差不多食完就再讚, 獎佢去睇吓魚, 順道去埋廁所, 返埋枱佢都可以坐多七八分鐘先埋單.......

坐車都一樣, 你可在他開始不耐煩時讚他並和他玩一會, 咁做他的耐性會慢慢長, 因他知道不發難渣便會有「獎賞」, 而你地如無意/無時間entertain佢, 踩硬由得他哭也可以, 他慢慢一樣會學到(知道) 响車度扭同喊係冇用!
kantanjin
|
Sandra Lo

唔好意思, 我比較少上到bk. 因為公司又上唔到, 回家用電腦又嘈到小朋友. 我有問題想請教一下妳~

1) 我睇到妳話如小朋友/bb打人要ignore佢. 我只話: 打人唔岩. 打邊個都唔岩. 打自己, 打枱唔岩. 我係咪做錯左呢? 咁而家ignore仲得唔得呢?

2) 我有用讚既方法. 但係我小朋友(兩歲)性格好忟憎, 我等佢發完脾氣冷靜時, 平心靜氣同佢解釋唔好打人, 要冷靜, 佢只會不停向我咆哮(聽唔入耳) 我講半句佢又咁. 我講一句佢又咁. 但佢對爸爸及工人唔會咆哮. 我唔明點解?

3) 我老公犯左媽媽常犯既野. 又成日打鬧仔仔, 又大聲又嘈. 成日同另外小朋友比較. 話自己既小朋友無用. 但轉頭我老公又會縱番佢. 我都無晒付. 但我唔明白點解小朋友比爸爸打完鬧完話完, 小朋友唔咆哮仲會勁痴番爸爸?

請指教一下
SandraLo
|
原帖由 kantanjin 於 09-6-7 00:17 發表
Sandra Lo

唔好意思, 我比較少上到bk. 因為公司又上唔到, 回家用電腦又嘈到小朋友. 我有問題想請教一下妳~

1) 我睇到妳話如小朋友/bb打人要ignore佢. 我只話: 打人唔岩. 打邊個都唔岩. 打自己, 打枱唔岩. 我係咪做 ...


kantanjin :

1)
你咁講其實冇做錯, 小朋友做錯事第一步都係要話佢知, 問題係只有少數小朋友話得聽, 咁話唔聽個陣, 我地就用心理學裡面嘅行為矯正.
2)
你「平心靜氣同佢解釋唔好打人, 要冷靜」咪一樣都係「話」, 如話一兩次佢唔聽, 就三十次都冇用, 重會令佢慣性閂埋隻耳仔唔聽!
「佢對爸爸及工人唔會咆哮」~~ 係咪因為佢地冇「哦」?!
3)
「點解小朋友比爸爸打完鬧完話完, 小朋友唔咆哮仲會勁痴番爸爸? 」~~
响眾多教仔方式裡面, 最具破壞性(親子關係) 而又最易被人忽畧的就係「話」同「哦」, 我估計:雖然爸爸會打他, 即他的某個行為(曳)得到後果(罸/被打), 但打完鬧完就代表事情完結(除非打得太多太重或父母因自己嬲而打仔), 關係暫時可以維繫, 話反而是沒完沒了!

我並不是同意爸爸用鬧同打嘅方法, 因小朋友會學咗咁對人, 若遲d 佢有其他嘢係話極唔聽, 爸爸嘅打罵會升級, 咁佢就好容易會學咗用暴力嚟解決問題, 但話得太多是令人反感的, 試吓用多d 讚+ ignore啦!

[ 本帖最後由 SandraLo 於 09-6-7 15:51 編輯 ]
kantanjin
|
Sandra Lo

明白. 即是我事後唔好在話及哦佢. 只係搵個機會"讚"佢.

昨晚小朋友又打又鬧, 佢要工人抱, 工人一抱佢即收聲(經常性係咁)我當時自己個樣唔開心, 平心靜氣對住佢講 :我唔開心. 媽媽教唔好你. 令你比人話好曳, (上星期有人兜口兜面講) 小朋友當時個樣由唔服氣變成好愕然望住我. 根住我唔開心話:媽媽一定鍚你既. 所以我會努力慢慢學點教好你. 令你唔好再比人咁話,佢個樣就由愕然(好似有點內疚及奇怪樣)望住我唔出聲. 根住佢就夠鐘訓覺, 我照舊鍚鍚佢手仔say goodnight,掃掃佢頭仔(晚晚睡前指定動作)

Sandro Lo老師..我唔知咁樣係咪做錯. 我覺得硬(鬧)唔得唯有講自己心聲, 其實係咪又係一個(哦)呢
請指教一下~~

其實爸爸都有哦及話. 仲長氣過我. 試過佢打人時, 爸爸鬧完佢唔理佢30分鐘. 當時或事後有效既. 但一陣間咪又係"打打打" 可能我成日話爸爸係家庭主導 (由出世開始) 相反爸爸(即男性) 係唔會講話媽媽辛苦, 媽媽先係一家之主. 可能根深蒂固. 小朋友覺得有權力地位就係爸爸. 睇風勢就痴番爸爸掛.
cat20
|
hi.......Sandra Lo

其實我BB只有一歲

我囡囡都係好鐘意用手打/ 拍人塊面,有時又會拍枱,我好後悔,因為我估可能佢係模仿我嫁!因為有時佢曳曳或者做一d危險動作時,我叫唔聽喝唔停既時候,我就會打佢手板仔一下!同佢講︰曳曳,打打!

久而久之,我地一話親佢曳曳,佢就會大聲口up up一輪bb話(學我鬧佢咁),然後做出舉手打人呢個動作,打我或者老公塊面幾下,有時如果無人響佢身旁,佢就會扮我,大聲鬧張枱幾聲,然後打張枱幾下!

我開始醒覺,同自己講唔好再打打佢手板,唔想佢有樣學樣,但每次見到佢做d出人意表既危險動作(舉高腳想琴茶几、雙手捉住餐枱雙腳離地fing下fing下之類)時,我會即刻喝停佢,佢唔停我就拖佢去另一邊用其他玩具分散佢注意!但佢好快玩完果樣玩具佢又會再犯,仲會重覆再犯好多百次,唉......我唔知佢係唔明定係頑劣喇!

好煩呀!!!
我又可以點將bb糾正過來,唔好再打人呢?
用讚呢個方法,囡囡又好似聽唔明我講乜ignore佢咩?佢又會發狂喊好耐,但我都會堅持ignore佢,因為我最唔想響佢大喊既時候去呵/抱/氹佢,怕佢覺得原來只要大喊就可以得逞,我一般都係等佢喊到無氣無大嗌果時,就會用其他野分散佢注意,跟住佢有時就會唔記得左嫁喇!(不過唔知咁樣做岩唔岩)

教小朋友呢門高深既學問,真係令我投晒降喇!我囡囡性格比較頑劣,又臭脾氣,佢要果樣野,你一唔比佢,佢就會發狂大嗌,然後典地大喊,嚴厲d治下佢咩,又有反效果,寛鬆d咩又怕會縱壞佢!

雖然我BB仲細,但我好想響幼兒時期可以糾正到佢D脾氣,怕佢會越大脾氣會越差,變成習慣,變成佢既性格,變成佢既氣質!
beargarden
|
thanks for your valuable advices! My daughter is now 2 years and use to throw things when feeling unhappy and losing face. I will ignore her for a while to see what happen next and explore what's the reason. If she don't stop, I will hold her hands and talk to her. She can feel unhappy but is not right to throw things.
I wanna to emphasis here is "情緒無分好與壞" , sad, happy, excited....are emotions we have. We should teach them how to express them properly.
but I still want to ask: how to teach kids express their anger feelings appropriately for replacing their ususal acts of hitting others or throwing things?
tabo817
|
謝謝你,sandra.

有關打人之事,或許是因為婆婆每天早上來看她,有時囡囡跌倒時,婆婆會打下地下,叫囡囡不要怕.所以,現在囡囡跌倒或是被玩具絆倒都會細細力打下地下或玩具.我現在會和她說不用打.囡囡不會無緣無故打人,她多數是發脾氣時,或是和哥哥爭玩具時才會打人,那時,我應用ignore的招式嗎?

至於搭車問題,現在已嘗試她坐定定便讚她.我也要嘗試坐車時和她玩多一點.(只因我大仔坐車很乖,他喜歡望車外的風景)不過,有時我返奶奶家吃飯,車程要1小時,真的很困難.
SandraLo
|
原帖由 kantanjin 於 09-6-7 17:37 發表
Sandra Lo

明白. 即是我事後唔好在話及哦佢. 只係搵個機會"讚"佢.

昨晚小朋友又打又鬧, 佢要工人抱, 工人一抱佢即收聲(經常性係咁)我當時自己個樣唔開心, 平心靜氣對住佢講 :我唔開心. 媽媽教唔好你. 令你比人話好 ...


kantanjin :

抱歉唔係太明, 昨晚嘅問題到底係乜?係佢發完脾氣要工人抱, 工人就去抱所以你嬲工人?嬲bb發脾氣?你段說話兩歲小朋友未必明喎, 响佢做「曳」嘢時, 你嘅反應唔可以大, 你講嗰段說話, 應該算係「傾計」, 唔好响佢發脾氣個陣講呢類說話, 佢有機會未完全明白, 錯誤理解為「哦」佢, 如佢理解為傾計, 係鍾意聽的, 則會以為發咗脾氣, 媽咪就會同佢有計傾!同bb講故事、傾心事係有需要的, 一般安排在睡前, 沒有任何不開心、鬧、話時, 就是最佳時間了!
SandraLo
|
原帖由 cat20 於 09-6-8 00:01 發表
hi.......Sandra Lo

其實我BB只有一歲

我囡囡都係好鐘意用手打/ 拍人塊面,有時又會拍枱,我好後悔,因為我估可能佢係模仿我嫁!因為有時佢曳曳或者做一d危險動作時,我叫唔聽喝唔停既時候,我就會打佢手板仔一下!同佢講︰曳曳,打 ...


cat20 :

你發現bb發脾氣係模仿緊你, 恭喜, 你踏出第一步了!
你睇番之前禮信媽媽d posts, 又係問打人的, 照做便成了.
無論你處理小朋友的什麽問題, 都係要「正面」的, 意思係, 唔得嘅嘢就係唔得, 唔駛迴避, 唔駛分散注意, 直接面對!
「佢要果樣野,你一唔比佢,佢就會發狂大嗌」 ~~ 若你曾經但佢大嗌而俾佢, 咁佢以後就用呢招, 你愈怕佢就愈做, 用「分散注意」即係有代替品, 亦即係有offer, 咁佢点解唔嗌佐先呢?点都會有offer喎!
SandraLo
|
原帖由 beargarden 於 09-6-8 01:03 發表
how to teach kids express their anger feelings appropriately for replacing their ususal acts of hitting others or throwing things? ...


beargarden :

由於一兩歲的幼童未懂得以言語表達自己, 而他們又無意中發現動吓手(打人或掉東西) 可以馬上引起注意, 於是便reinforce了這些行為……
當他們懂得說話時, 這方面的問題便可解決了, 當然, 用讚(行為矯正)是絕大部份情況都work的!
kantanjin
|
Hi, Sandra Lo

但我好難同小朋友講到故事. 點解? 因為我講時佢就坐唔定, 走左去或走去取其他佢心愛既玩具. 我知一歲到就要bedtime story, 但係當時小朋友坐唔定, 唔聽我講, 我都無辦法.

最近佢快兩歲, bedtime story未得, 因為佢根慣工人訓, 佢點都要姐姐. 我唯有放工回家或放假時. 安排同小朋友有單獨相處時間. 因為佢唔太根我. 我講緊時, 仔仔未記得起爸爸及工人時, 或未見到時, 都會肯聽. 聽得好開心, 但好快佢又四圍爬上爬落, 走左去玩. 或走去取第樣野 (佢好奇心好大) 如見到爸爸及工人呢, 就根左佢地走左去. 我就好似傻婆咁留係案發現場

最奇怪係佢寧願叫爸爸講故事. 但爸爸從來唔會講, 只係掛住望住TV. 口就話叫媽媽講啦. 打法佢走. 唔理佢. 但仔仔都係咁痴爸爸 仔仔就會望下本根住又走左去玩第樣野.

請問有咩方法可以令到好動及好奇心既寶寶可以停一停坐定定聽下我講story
Chickee
|
Hi, Sandra

你好!

我的兒子現在3.5歲, 非常黐身。例如: 每朝上班時, 如他已起床, 一定會大哭不讓我上班去。我曾在他心情平靜時問過他原因, 他說因為他很喜歡媽媽, 很怕媽媽會「走左」。他又曾說過, 他最不喜歡星期一, 因為媽媽要返工。每逢星期日晚他便很緊張, 不斷問我明日可否不上班。又不肯睡覺, 因為他怕睡醒後「星期日就走左喇!」

我曾經多次解釋上班上學是每個大人小孩的責任, 又跟他說過媽媽上班的情況讓他多了解, 又答應他可隨時打電話給我, 又不時打電話給他, 又跟他約定幾點會回家(我也不敢OT), 貼子獎勵, 利用故事解釋等等方法全用過了, 但他都是時好時壞, 今天歡歡喜喜的讓我上班, 明天又變成大哭。沒辦法時, 我只好狠下心腸離家。但我離開後, 一會兒他又沒事, 高高興興的, 不會說要找媽媽, 甚至我打電話給他, 他都不算很雀躍。

最令我擔心的, 是他為怕我會上班「走左」, 晚上睡得不好, 人很緊張, 我稍一轉身, 他便立即「彈」起床, 怕我走了。

另一個例子, 是參加課外活動。如由我帶去, 仔仔一定黏著我不放。但由工人姐姐帶去, 他又可以很獨立。又或是間中他會到爺爺或外婆家小住一, 兩天, 雖然我不是跟他一起過去住, 他又可以若無其事。

我究竟可以怎樣做呢? 問題點是否在我身上? 孩子有甚麼問題呢? 補充一點, 這情況只發生在我身上, 爸爸或其他親人, 他都肯跟, 但不會發生此情況。


謝謝。不好意思, 太長篇大論了, 希望不會阻你太多時間。
SandraLo
|
原帖由 tabo817 於 09-6-8 09:59 發表
謝謝你,sandra.

有關打人之事,或許是因為婆婆每天早上來看她,有時囡囡跌倒時,婆婆會打下地下,叫囡囡不要怕.所以,現在囡囡跌倒或是被玩具絆倒都會細細力打下地下或玩具.我現在會和她說不用打.囡囡不會無緣無故打人, 或是和哥哥爭玩具時才會打人,那時,我應用ignore的招式嗎?...


tabo817 :

如果是打哥哥或其他人(而不是爸媽)便好ignore, 因打爸媽好大機會係引你地注意(attention seeking), 但如不是爸媽, 其他人/小朋友唔明你做緊乜, 被打的當然開心, 哥哥更可能會還手, 變成打架......
依家首要係叫婆婆唔好再講打(打地下更加係教緊囡囡不須負跌倒的責任), 若他打哥哥, 可以簡箄地罸time out/naughty chair, 若你在場, 担心婆婆不懂處理, 就索性叫婆婆只將他們分開, 等你回家(在家)才處理!
kellyyan
|
Hi, Sandra

我有小小問題想請教. 小女15個月, 現在很多時睡覺都要我在床邊拍她, 她才肯睡, (除非自己太累自己睡) 就算baba陪她都不肯. 昨晚一樣, 但拍了20分鐘, 她仍未睡, 我便和她說, 媽媽手累, 不拍, 只坐在這裡陪著你, 她起初不肯, 但慢慢她便睡, (前後約45分鐘) 我見她睡了便回房, 但轉頭她叫嚷, 我便回去她房問她為何還未睡, 但媽媽很累要回房睡了, 一是你自己睡, 一是baba陪你睡, 她只是望著我, 我不知她明不明白, 但當我準備回房時, 她大聲哭鬧, baba示意她過去她都不理, 我只在門口望了一望便回房, 我聽見她很大聲哭鬧, 但我沒有理她, 過了一陣, 她便睡了.(我不知是否她太累所以睡了) 我不知這樣做有沒有不對的地方, 請賜教.謝謝!!!

另外, 想請教一下, 大約幾多歲可以說故事給他們聽呢?

[ 本帖最後由 kellyyan 於 09-6-11 16:25 編輯 ]
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽