自由講場今日: 1894|主題: 1302924

收藏本版

發帖

返回列表

跳至頁

查看: 19546 | 回覆: 159

12 3 4 5...8

積分: 323

1^#

發表於 21-6-21 15:12 |只看該作者 |倒序瀏覽 |打印

本帖最後由 Wwkwok 於 21-6-22 00:26 編輯

呢篇野可能比較長。但希望大家有冇方法建議俾我，可以應對麻煩親戚。

我係家中唯一既子女，雖然係咁但我媽咪由細到大都安排左佢個姪女係我地屋企做常客，所以可以話同呢個表姐一齊大。
由細到大我性格比較外向，我呢個表姐就好怕事，我阿媽就要我咩都就佢，有咩都幫住佢，佢既事就好重要。我細個忍唔住問我阿媽，點解佢咁維護呢個表姐，我舅母唔俾錢佢個女洗，我阿媽就俾，我都唔理，但係呢個表姐細個就會恰下我，個時仲話我大陸妹，我唔係好明白，明明父母係香港人，我問我阿媽點解佢咁講，我阿媽話佢講笑。
去到大個二十幾歲，我想獨立出街，我父母唔俾，表姐就咩都得，我阿媽仲陪表姐見工面試，每個星期唔見唔得，呢個表姐由細到大份人都自私小氣。
個表姐出黎做野個頭幾年，出街買野旅行食飯都係我父母出，我阿媽話佢搵得少，要俾家用佢阿媽，所以唔好計。到而家出黎做野好多年都係咁食我父母。
我未結婚個時，識男仔，我阿媽知道左，第一時間問我係咪介紹俾佢個姪女，仲話個男仔唔岩我，兩三年前我結婚，我阿媽話表姐都未急拍拖結婚，我急咩。我註冊個日，我阿媽黑哂臉。
結左婚之後，就問我老公有冇男仔介紹俾佢，勁煩，話表姐條件咁好點會冇（事實：表姐肥同高，黑，皮膚差，暗瘡印，學歷低，份人勁度縮）
我老公唔會做媒人，跟住就問我奶奶介紹，之後介紹左我老公個表弟（人地月入三萬，29歲）
我阿媽之後就話個表弟襯唔起表姐,話人地做地盤的低下，實情人地係科學園做工程監督，個男仔都冇講表姐唔好，只係話大家只岩做朋友。但我阿媽就話表姐唔鍾意佢，唔係佢唔鍾意表姐。我呢個表姐不嬲想要既野都靠我阿媽出聲，由細到大都係，佢而家三十幾歲，未拍過拖。佢就透過我阿媽叫我地兩公婆介紹男仔，仲話想要消防員個隻類型🙄🙄🙄🙄🙄

個餐飯，呢個表姐食完我餐飯，多謝都冇，個晚佢見到個男仔唔岩佢，佢就西臉。
我結婚呢幾年，佢成日跟住我阿媽同我地出去食飯，次次冇出錢，仲要成日上黎我屋企，話要見我個女，我阿媽仲係咁洗我嬲表姐有幾好，買咩俾佢，實情人地係淘寶買個幾蚊雞電話殼，十幾蚊衫俾佢，政府派1萬蚊我地，我呢個表姐用500蚊買個特價袋俾我老母，佢自己就買千幾蚊以上既野俾自己。
到我地一家旅行，都想要我老公叫埋表姐去，出埋佢個份，我地拒絕左，我阿媽就好嬲，我唔俾表姐上黎我屋企，我阿媽就怪我唔好，我都想有自己私人時間，呢個表姐放假冇人約，成日想黎我屋企訓教。
有一次我老公睇緊電視，個表姐企左係電視機櫃個度，我阿媽就話連我老公都覺得表姐外表唔錯望住佢，係我面前咁講，我問我老公，我老公話屋企有幾大，佢都冇望佢掛住睇電視，下次望個外母咪死。
我覺得我阿媽對我同表姐好唔一樣，所以我一度懷疑佢唔係我親生，點知原來真係，因為我屎忽痕去做DNA, 跟住就結果顯示唔係親生。之後得知，我阿媽成日搵我同表姐比較。我阿媽d 朋友都話我阿媽偏心，細個好多親戚都睇得出，但我阿媽同隻表姐就覺得冇，仲話領養錯我😭😭😭我係有d 嬲，所以冇見我阿媽一排。

我好想同我養母關係良好，但唔想隻表姐因為嫁唔出而侵入我屋企。仲話我自己嫁左就唔理表姐個終身幸福，我阿媽成日幫佢，好似冇左佢唔得，
飯局冇左呢個表姐就成餐飯黑哂臉。

我而家只可以透過我老豆，得閒俾d 錢同買野俾佢地，我最驚係我見阿媽，佢又帶埋隻表黎，我阿媽錫到呢隻表，拎埋棺材本俾佢大陸買樓，都冇還錢俾我阿媽。

大家有冇計可以幫下我？

0 0 0

私人傳訊

Wwkwok

複式洋房

積分: 323

2^#

發表於 21-6-21 15:17 |只看該作者

本帖最後由 Wwkwok 於 21-6-22 04:56 編輯

補充：我阿媽因為生唔到，係香港冇資格領養，所以番大陸領養我，我一出世，父母就唔要我，所以我其實對我養父母有深既感情，我阿媽做既野，其實咪就係呢個表姐叫佢做，佢由細到大都係叫人出頭。呢條友好麻煩，佢一曰未嫁，我阿媽都會迫我介紹男仔，一係就叫我老公養埋佢，好黑人憎😭😭😭😭
補充：有一嘈交，我好直接問我阿媽係咪想我老公係隻表既老公就係最開心，佢反應係停左一停，之後話係我諗，佢冇講過，佢既反應令我好反感。

今年年頭，我生左細女，我月都未坐好，我養母同隻表既阿媽衝上我屋企，係度發脾氣，罵我反骨，問我點解嬲，話唔知我嬲咩，好彩當時有陪月，我個cam 錄低，陪月幫手趕走佢地，係條走廊大大聲，我只係同佢地講出咁耐既感受姐，話左一句隻表姐，叫佢唔好亂打我地屋企主意，佢地驚大反應，好似我殺佢全家咁。

我養母仲話俾好多金我，叫我唔鍾意俾番佢，查實我結婚佢冇買咩金俾我，我都唔在意，我結婚都冇擺酒，所以我俾番佢，佢之後都收番個d 金仔
而家佢就唔肯放過我，耐唔耐就透過d 人黎說服我，講到佢同隻表有幾好。

私人傳訊