我之所以上嚟問,事緣係有個好耐冇見嘅舊同學,佢做理財顧問嘅,佢話好似我呢D完全冇投資嘅人響香港真係碩果僅存;話應該為小朋友將來打算,銀行冇息,就算將份糧放入銀行都冇錢賺,除非我月薪有十幾萬就唔同,仲話就算上網轉MPF基金都冇可能追貼個市... 提議保守嘅可以做十年期嘅月供基金,想進取D嘅就問銀行借錢去供,利潤會高好多;
我諗,投資方面我真係門外漢,唔想做"咩太",茂茂然懞吓懞吓就掉舊錢落去;但佢講得都唔係無道理嘅,都應該趁有收入,令份糧可以有少少增值,所以上嚟問下、知下、學下。
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!