大細公司我都做過,其實各有各好,睇自己適應邊種公司文化。
細公司要執生,樣樣嘢落生落腳,某程度上有滿足感,有D細公司老細好識用人,如果幫得手嘅會俾好高人工留人,但要學正統專業知識就要靠自己,好處係人事通常比較簡單。
大公司有制度,分工細,有時時間精工浪費喺程序、手續上,更唔好提人事鬥爭,結黨結派,但同時亦因為人多資源多,在職訓練唔少,專科工作入大公司對將來轉工升職都較有利,入職人工未必好,但有能力嘅一樣可以升職加人工,喺大公司爬得上去頂得住都係人精,被獵頭機會都多好多。
花旗太太生活在花旗國,留意時差,你問我未必即時答到。