少年成長今日: 0|主題: 15865

收藏本版

發帖

返回列表

跳至頁

查看: 32328 | 回覆: 3

又係打針 [複製鏈接]

csir3290

子爵府

積分: 11028

1^#

發表於 21-12-19 11:20 |只看該作者 |倒序瀏覽 |打印

又到打流感針嘅季節，我老婆一早就話要預約打流感針。佢兩姊弟一早都已經同我哋講話唔想打針，因為舊年佢哋係用噴鼻式疫苗而唔需要打針，所以一早佢哋就已經同我哋講話要用返噴鼻式疫苗。點知我老婆嗰日預約嘅時候，平時打開嗰間診所同我哋講話今年冇噴鼻式可以用，咁我老婆諗住冇乜所謂就約埋打針。點知佢返到去同家姐講，家姐已經即刻爆喊，細佬反而冇乜所謂。因為家姐上次打新冠疫苗嘅時候，雖然話係叫做自願自己話打，但係之後佢成日話畀政府呃咗，因為佢暑假前打都仲係要打兩針，但係開學之後政府忽然話12至18歲打一針就夠。佢覺得自己好唔抵無端端打多咗一針，而且佢根本就好唔鍾意同埋好驚打針。所以今次一聽到又要打針佢已經即刻好唔開心，當時我仲返緊工，但佢已經連續喺whatsapp度畀咗好多個好唔開心嘅表情我。
到我放工返到屋企，家姐依舊都仲係唔出聲，我老婆就冇理佢，因為我老婆覺得佢咁大個人做乜打針都驚。到食飯嘅時候，家姐都仲係好唔開心粒聲都唔出。其實正如我之前講。我覺得打針呢啲嘢根本就冇得迫，咁佢唔鍾意咁唔想，迫亦都冇乜作用，雖然而家姐平時咁聽話到最後佢都會畀我哋逼到去。於是食完飯我就試下幫佢上網搵下睇下仲有邊度有噴鼻式疫苗，然之後同我老婆講試下幫佢約吓睇下仲有冇。其實我聽得出我老婆其實唔係好想，因為覺得我好似好就個女咁。但係我覺得反正而家成日都要戴口罩，又咁緊張衛生，又成日洗手成日搓手，其實就算真係唔打流感疫苗都應該冇乜影響。所以我就同阿女講，幫佢試吓約仲有冇噴鼻式，如果冇咁佢自己可以選擇打定唔打，不過佢要知道如果唔打萬一感冒嘅時候所要面對嘅情況。

佢一聽到可以唔使打，當堂面上面就出現返曬笑容，但係我都同佢講明如果唔打就一定要更加注重衛生。而且我都同佢講明，當如果有啲疫苗係學校要佢打，例如啲德國麻疹之類，又或者係我同老婆都覺得好重要一定要打嘅，例好HPV咁，佢就冇得選擇。咁佢話佢都明白，所以最後就等我老婆睇吓約唔約到，如果約唔到嘅話咁佢應該就唔會打。

其實我見到呀女上次預約打新冠疫苗之前，其實到臨打之前嗰幾日佢都一路唔開心，可能打針對對佢嚟講壓力都真係好大，所以今次我衡量過需要性之後，都係決定畀佢自己選擇，我唔想再見到佢為咗支流感針一路唔開心幾日。呢一類暫時唔係必要嘅疫苗，其實打定唔打真係應該有個人嘅選擇。而且當阿女知道父母係體諒佢嘅情況嘅時候，佢就會明白當有一啲事如果父母堅持嘅時候，嗰件事對佢嚟講一定係好重要，而佢嘅接受程度亦都會高一啲。