吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 分享高錦安醫生開刀（仁安醫院）

懷孕前後今日: 1|主題: 329751

收藏本版

發帖

返回列表

跳至頁

查看: 15315 | 回覆: 15

分享高錦安醫生開刀（仁安醫院） [複製鏈接]

paperyuen

別墅

積分: 881

1^#

發表於 22-1-29 23:39 |只看該作者 |倒序瀏覽 |打印

本身我一心都係諗住搵女醫生，想搵鄭昆瑜，點知佢d 期好full, 第一次想約照心跳都要等到差唔多9week, 我心急之下就搵左經我中醫介紹嘅高錦安醫生～

高醫生係一個說話唔多，唔會同你閒聊既人，但你有野問佢都會答你，第一次睇佢比我感覺佢好有經驗，簡單講係快狠準

本身我都諗住係決定開刀，最後我就決定揀高醫生開刀
我本身預產期30/1, 約左19/1 開刀，點知BB 等唔切，係13/1 凌晨2:30我訓訓下feel 到有d 水滲左出黎，但唔多既，後來我去廁所就抹到有dd 粉紅色加血絲，就立即叫醒我老公，我老公就話咁即刻搭的士去仁安。。

0 0 0

私人傳訊

paperyuen

別墅

積分: 881

2^#

發表於 22-1-29 23:42 |只看該作者

我仲猶豫緊要唔要等多陣睇吓咩環境，但feel 到不斷有少少水滲出黎，所以都立即執野入院

大約3:30am到達醫院，一落的士，已經有位護士姐姐好快咁推張輪椅俾我坐，之後問我邊位主診醫生，就推左我上3樓做產前檢查。首先有位護士問左我好多問題，之後就有另一位姑娘幫我檢查做內診（有d 痛），確認我真係穿左水，就叫我老公去辦入院手續。而我同我老公就分別要即刻做快速檢測。

因為我本身揀左開刀再加上我暫時冇任何陣痛，所以護士就幫我立即call 高醫生等佢book 手術室，而我就去左聽胎心（老公可以陪住），聽大約一個鐘。

私人傳訊

paperyuen

別墅

積分: 881

3^#

發表於 22-1-29 23:43 |只看該作者

跟住有位姑娘同我講高醫生已經book 左10am手術室，心情就突然又緊張又帶少少興奮。
好彩既係，我由穿水到入手術室我都感覺唔到陣痛，但check 胎心既時候係見到我有宮縮。
等到9:30am 就叫你訓上張床，推你去手術室，係手術室門口都等左差唔多一個鐘，期間有好多唔同既護士同你對個人資料，高醫生&麻醉科醫生都會過嚟同你傾幾句。嗰刻心情出奇地放鬆，又唔係好驚，可能覺得會有好多唔同既人幫我，我只需要訓係到，就可以等待我bb 既出現

私人傳訊

paperyuen

別墅

積分: 881

4^#

發表於 22-1-29 23:44 |只看該作者

入到手術室，就即刻幫我打半身麻醉，叫我盡量灣住條腰，有位護士幫我hold 住我身體，之後麻醉師就開始打，講真支麻醉真係有d 痛，feel 到有野打左落黎，亦有一下覺得好似比電電左下咁，總之就唔舒服，但忍受到既，成個過程好快，我諗1~2mins 就完成，之後就幫我伸直返隻腳我已經感受到隻腳有少少暖暖地又有d麻痹嘅感覺。前面就遮左塊布，而高醫生就話幫我消毒個肚，我完全唔覺得凍，但就feel 到有野捽緊我個肚咁，係呢個時候，我老公就入黎陪我。

私人傳訊

paperyuen

別墅

積分: 881

5^#

發表於 22-1-29 23:44 |只看該作者

好快高醫生就話手術開始咗，完全冇感覺到痛，但就覺得有人拉扯緊我個肚，過左5分鐘左右，麻醉科醫生就幫我推個肚，推左10幾下左右，就聽到bb 喊聲，我諗由我入手術室計，前後20分鐘左右，bb 就出世啦，老公可以去剪臍帶，之後佢就出左去，而我就繼續聯針，聯左幾耐就唔記得因為我已經瞓着咗，完成後就推左我去觀察既位置，大約半個鐘冇咩特別就會推上病房。。

私人傳訊

paperyuen

別墅

積分: 881

6^#

發表於 22-1-29 23:46 |只看該作者

呢個係我成個開刀過程

手術後當日其實你只係訓係床上面，因為你郁唔到，六個鐘之後可以飲粥水
手術第二日高醫生嚟巡房，無特別既話就可拆尿喉，護士會扶你落床，你自己可以試下去小便，我落床後有少少暈暈地，但抖陣就可以自己小步咁去洗手間，無我想像中咁痛，可能有唔同嘅止痛藥幫你止痛，所以我由落床起，已經唔使人扶，自己行去餵奶睇bb
去到第三第四第五日，其實已經每一日比一日好，自己行係無問題，上床落床都可以自己黎。

私人傳訊

paperyuen