我個次係夜晚3點 call佢地,佢地話要上晝9點先黎。都 ok, 我可以繼續陪下主子。估唔到個男仔黎接佢用個藤籃,感覺好舒服。佢好有禮貌,可能見慣D人好傷心,講說話都好温柔,入來用雙手接走了主子,放入藤籃。原本我以為我會大哭,但因感覺良好,我係 ok. 直到火化個日,D職員都好好,個靈堂和休息房都舒服。火化過程都好貼心,我地自己按掣,佢地會遮一遮個窗,因為佢地話點火會火光熊熊,可能感到不安。我會推介呢間,冇 hard sell產品。唯一缺點就係地點唔就腳,但去一次 ok, 最緊要個心係覺得舒服。