雖然好多人話時間會沖淡,但我反而覺得想思念就思念,只要唔好俾自己沉浸於負面情緒中太耐,生活還是要過。思念一個人,等於肯定佢嘅生存價值,你掛住佢,佢就係真實存在過,雖說人死如燈滅,但我覺得美好嘅記憶可以轉化為生存嘅力量,以前未能同先生去嘅地方,你以後帶住思念嘅情緒去,用積極正面嘅態度去生活落去。
我識一個老太太,老伴過身後,佢自己一個人去探下朋友,約親友去食好嘢,自己煮完飯放上網,有人問食譜,佢就教人煮,同網友分享吓日常生活。佢話死就一世,唔死都大半世,餘下日子想依然可以開開心心咁過埋,將來去到另一個世界見到老公,可以同佢講。
花旗太太生活在花旗國,留意時差,你問我未必即時答到。