剛剛做完鼻中膈+下鼻甲修容手術，放病假係屋企太悶，想分享下少少感想，加上想回饋返呢度JM們
由細到大都有好多小病痛，到大個有工作之後，加上公司醫療好好，先去慢慢醫，上網好多醫生推介都係睇呢度JM們經驗分享再試，之前甲狀腺手術做得好好，到今次手術都係好順利（暫時），真係幫助咗我好多，所以今次分享希望幫返有需要人士
我決定做鼻中膈彎曲+下鼻甲修容手術，都考慮咗一段時間，因為我既病徵唔同一般大眾咁有嚴重鼻塞，而且我唔係天生有鼻敏感，係5年前先有
我係單邊鼻孔成日有舊野頂住，無論點清潔都係有異物感，游水只會單邊入水仲上咗腦會好痛，加上有嚴重鼻涕倒流，令到氣管發炎，充滿痰液。
本身係去睇中環耳鼻喉科一個好岀名醫生，姓林，佢收費真係堅貴，但都多得佢做檢查好全面，我先發現氣管有問題，再轉介我去佢中學同學，係呼吸科醫生做咗好詳細檢查。
因為之前我係另一個論壇見到有人揾林醫生做相關手術，話一年左右就翻發，再加上林醫生指定係養x，我自己唔太鍾意，佢又即將放假，所以就想再揾另一個醫生做手術。
而我真正揾既係銅鑼灣劉醫生，佢的確好似JM 們所講，好細心有耐性，有問必答，姑娘好有禮貌，唯一係要預等候時間都耐，而且感覺醫生係偏向保守，佢之前會話其實我既病徵同手術無直接關係，所以可以唔做，但我自己唔想keep 住噴鼻，因為消委會話我用緊嗰款如果長期用會有青光眼風險，而且有媽媽都分享佢個仔仔用耐咗，係被証實患青光眼。
到手術後，劉醫生先話，我既鼻敏情況係會有改善的。so far 暫時真係無咗耳壓問題同異物感。希望之後有更多鼻敏情況會有改善，因為我仲係康復階段。
有問題歡迎問，識答一定會答
發表於 
返回列表
