美容扮靚今日: 6|主題: 136646

收藏本版

回覆發帖

返回列表

跳至頁

查看: 4210 | 回覆: 6

終於同陪左我廿幾年嘅副乳講byebye [複製鏈接]

Nadia220

別墅

積分: 798

1^#

發表於 24-4-11 01:26 |只看該作者 |倒序瀏覽 |打印

自從十幾歲發育之後，副乳問題一直困擾住我，由細到大唔敢著背心，唔敢著泳衣，個副乳郁一郁就突出黎，就算長大之後用矯型Bra,一郁動大d又會走左出黎要去廁所撥返入去！我呢d先天性副乳，直情係有個迷你乳頭，哺乳時會出乳汁果種（如果有相同情況就明！唔明就點講都唔會明）所以一直試過按摩做機都無用，今年我下定決心終於去左台灣做手術整走佢，本身我都有諗過要唔要响香港整，但我見咁多年黎好少香港人做呢類手術嘅分享案例，反而台灣就有，所以我搵左個台灣朋友幫我搵左幾間醫美診所做比較，有阿嬌老公、台灣好出名嘅長庚醫院、同我最後選擇呢間。我呢間好就好在可以WeChat同醫生視診唔洗特登飛過去，我自己响香港驗血，之後响台灣逗留5日4夜，落機第二日手術(emoji)我諗如果我落機就做手術應該4日3夜就得，本身到做手術前一晚開始緊張，因為要全身麻醉，手術前8小時禁水禁食，去到醫院見姑娘換衫，同醫生面診，响副乳位畫記號，醫生話傷口會响2.5-3cm之間，之後就入手術室，插針，之後麻醉師話好快會覺得眼訓，之後無幾耐就醒了。手術就已經做完啦！醒左之後係好口乾同想去廁所，要人攙扶。但腋下完全唔痛，成個過程感覺好好呀！比我想像中好，拎左出黎嘅乳線組織每邊都成半個乒乓波咁大呀！唔怪得以前胳肋底咁腫！其實切左都好架，因為始終都係一個乳線組織，都算一勞永逸。之後再見多次醫生傾下有咩特別咁就走得了。比左3日抗生素消炎止痛藥我，仲有一包後備藥（等我返到香港再跟進進度有需要先食）做完手術佢有用條帶扎住我腋下加壓咁，到臨上機果日就拆得了）完全無痛無唔舒服，係叫我一個月內都唔好拎重野同盡量郁動輕d。依家貼住膠布個胳肋底都扁哂了，期待下星期撕膠布後睇下個疤痕係點，之後就到去疤的事(emoji)好後悔無後生d做，新陳代謝好d應該復原仲好，但點都好，總比胳肋底有2個波好太多太多…..我好希望我嘅分享可以比香港有同樣困擾嘅人作一個參考，因為咁多年黎我都一直搵緊呢樣野。
attach1/tmp/phpuQ46Hh