原帖由 ausbo 於 10-8-11 01:13 發表
咁唔通點喎........
身邊既朋友....屋企人都幫我唔到.......
我都係想自食其力努力養大阿B姐....點解咁難
你可以當我講笑, 不過我講嘢好倔, 希望你唔好怪我.
而家, 你係將自己的期望, 同實際情況, 混淆咗...
講真, 你返去96-97年吖, 求其返份 call台, 都成萬蚊, 時間任擇; 總之, 每日返一小時計, 每月就有千多dd....一大養一細, 容乜易?
但係, 而家實際情況唔係咁吖嘛!
為今之計, 或者, 排住育嬰院, 申請住綜援, 大人唔食, 小朋友都要食架! 同時, 再睇下有冇可能學多dd嘢, 第時搵嘢做都易d. 而且, 機會可能隨時會出現架嘛, 係咪?
排到育嬰院, 咪一路搵兼職, 一路搵長工囉, 穩定咗咪唔駛再要綜援囉, 係咪?
其實, 我想勸你的係: 如果要去處理而家的問題, 就唔好將仇恨放埋入去, 亦都唔好放太多的期望; 因為咁樣, 冇作用之餘, 仲係會影响思路, 越搞越亂的. (希望你唔好怪我咁講, 我都係希望比d意見, 睇下幫唔幫到你咋)
題外話, 我仔仔喺大陸出世, 兩歲半先返香港的.
如果照顧佢的人ok的話, 其實就唔係咁恐怖. bb咁細, 一定係有大人睇實的, 所以治安, 只要自己小心, 冇乜事的.
醫療的話, 香港兒科醫生睇症, 都係探下熱, 睇下耳/鼻/喉......然後, 按經驗, 估佢係咩病來比藥. 大陸較好的醫院, 一有懷疑, 就會幫佢驗, 驗到之後, 先至對証下藥.....加埋都係一百呀, 百幾呀咁樣....
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何PM