Re: 賓賓個daddy過咗身,唔知點樣安慰佢
你地講得無錯. 呢幾日發生的事搞到我心煩意亂. 我個賓本來星期六已經講咗唔返去,好啦,以為一天光晒啦. 點知星期日放假出去,夜晚返到黎又話要返, 仲話佢家姐已經幫佢買咗機票等等.
我因為要佢照顧個囡,唔想佢成日苦瓜咁樣對住囡囡, 惟有同佢講俾佢返去幾日, 從今個星期二至星期六. 跟住我叫佢同我老公講聲(我老公係書房做緊野). 佢就入房同我老公話mum俾佢請7日假, 從星期二到下個星期一. 我老公唔知佢咁古惑, 同埋已經好煩佢,就話得啦得啦.
於是佢就出廳同我講, 話sir俾佢返去一個星期, 但因為菲律賓得星期二,四,六先有飛機到澳門,所以佢想星期二先返黎. 我即時好興, 但又唔想當著佢面話我老公, 惟有入房問我老公,先知道佢兩頭講大話. 但我已經唔想再同佢拗.費事佢對我個囡唔好.
之前覺得佢好乖好純, 經過今次真係對佢印象改觀晒. 我有諗過contrac完咗唔同佢renew, 但又怕將來第二個都係咁.而且個囡又好跟佢. 唉, 真係好煩.
思晴妹妹係10-20出世架.係媽媽喜歡的天秤座BB.