自由講場 今日: 1427|主題: 1304975

癲噹漫畫

銀行職員:[你好, 請問係咪陳先生?我地係"痕身"銀行,依家有個[至E借]私人貸款,借一萬蚊都係九十蚊利息!]

癲噹:[我唔需要架啦!]

銀行職員:[點解唔考慮下呀陳生?真係好抵喎!]

癲噹:[我對上果期六合彩中左四千幾萬, 唔需要!]

銀行職員:[但依家真係好低息,仲送萬用早餐咖啡奶茶機,價值二百九十九,而利息只係九十蚊,不如再考慮下丫!]

癲噹:[咁呀? 我想借一百億同何生玩返鋪!]

銀行職員:[呀….呢位先生,呢個超出左我地可以批出既上限,不如暫時借住一萬蚊先丫?]

癲噹:[一萬蚊有咩用? 買套正版Abode靈之膠紙CS4比外母呀?]

銀行職員:[咁…. 不如考慮借少D,其實……]

癲噹:[咁我借住一蚊先, D息點計?]

銀行職員:[dooooo………………….](收線)

**********

另一個仲好笑

瘦身公司:[你好, 請問係咪姓朱?我地係”迫瘦站”,依家有一個優惠療程介紹返比你,只需$888就可以包減16磅及22吋腰]

癲噹:[真架? 好喎! 其實我好想減,不過我成千磅,都落唔到床!!不如你搬個迫瘦站黎我屋企丫….我地址係…..]

瘦身公司:[呀….. 唔好意思呀!咁樣唔係好岩公司規矩……]

癲噹:[咁可唔可以安排起重機吊我去? 人地真係好想減好想減架………]

瘦身公司:[ dooooo………………….](收線)

希望你地睇既時候冇飲緊水......