但係以前試過一次收我8kg,但之後就拆細淨番3kg至交比快遞,咁就賺多差價5kg喇,但係唔明果陣就可以拆開,但宜家又話唔可以嘅呢?
宜家就轉咗第二個濫收費用方法,宜家越嚟越多集運都興計體積,因為真係有呢個計法你都奈佢唔何,最多以後唔用佢而已,我有次5kg貨那集運企硬話要計體積,D貨都喺晒佢度咯,佢開幾多你都要比架啦,我冇得選擇咪照比囉,但到收件時,發覺張order form除了姓名、地址、聯絡電話的必須資料外,就乜都冇寫的了,就連件貨有幾重,是計實際重量定體積都冇註明的,邊個知佢係咪收我就計體積收11kg,但交比快遞就計重量只比5kg人哋而已呀?咁樣就可以賺多6kg架喇!
唔知比人以體積收取過費用的JM們,張order form有冇列明嘅呢?唔知身為消費者有冇權利要求清楚列明嘅呢?因為內地人不嬲都冇明碼實價的概念,如果咁要求會唔會反而被人話香港人真麻煩架?