呢個世界係咁, 冇錢唔好結婚, 唔好生,
結婚應自己承擔, 生左應自己養,
別人, 家人由頭到尾冇迫到, 而且都冇要求過..
其實佢地分分鐘都覺得, 如果你地冇錢, 不如唔好結或生都唔出奇。
我自己同老公月入都唔係高, 以有限既金錢換取無限的可能(結婚, 生仔, 供樓), 並唔係一定唔得。
結婚-睇你點結囉, 有人十萬都結到, 有人一百萬都仲覺得唔夠。
樓-計過條數可以咩幾大, 咪買幾大囉, 有人一家3口住300幾呎, 總之有安樂窩就OK, 有人係都要用夠人工一半去供, 再養多個小朋友就肯定命都冇啦。
BB-平有平養, 貴有貴養。
其實所有野都係有關連, 你想儲錢供樓/留比BB咩? 咪結婚洗小D囉。
結完婚想生BB咩? 咪樓方便買平D囉。
我真心覺得香港雖然而家嘜都貴, 但真係唔會死人。
視乎各人想要咩生活質素。
如果講月入5萬既人都唔夠結婚, 生仔, 住。
咁我真係唔知我地呢D連3萬都未夠既點生存了。
最後, 我結左婚年半, 租緊樓住, 一路唔敢生, 儲緊錢。
但我唔會大安志意生完比奶奶湊, 佢想湊當然最好,
但我係一早預左要請工人或育嬰院既準備先囉。
準備到幾時? 並唔係冇了期, 我打算準備到最小解決左住個方面先考慮。
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!