Case 1: 個女仔本身做普通文職,後尾朋友介紹下識左個富二代,最後結埋婚,而家做左幸福少奶奶,同事話見佢兩公婆結婚多年有埋仔女都仲好sweet,真心覺得佢嫁得好好!
Case 2: 個女仔原本係個小秘書,學歷唔高,出身普通家庭,之後嫁左俾個屋企都幾有錢既男仔,同事話聽講個99都會有少少說話俾佢聽,暗示佢出身唔係上等 etc. 但個老公好錫佢,成日去旅行+買禮物俾佢。
Case 3: 呢個係我舊同學,佢本身生得靚但就無咩書緣,F.5 後就出左黎做野,做過下sales,之後又做過part time model,因為靚所以由細到大都多人追,但情路就比較崎嶇,成日遇人不淑,後尾識到而家老公,大佢8年老老實實果種,唔係有家底但本身專業人士,佢地拍左兩年就結婚,當時個女仔都係24歲,婚後無做野,而家過左1x年見佢因為早婚早生,個仔都已經中學,老公又錫佢,生活都好悠閒咁,雖然唔係大富大貴,但真係覺得佢嫁得好!