【好人好事】大圍港女夾車底 18猛男抬車救人 | 6,853 |
建立時間: 0425 12:39 |
| (讀者提供圖片) |
沙田噚日上演一幕壯士抬車救人的感人故事!大圍村南道噚日下午發生一宗交通意外,一名33歲女子被一架小巴撞倒再捲入車底,雙腳仲畀車胎壓住,郁都郁唔到,不停慘叫。咁啱有警員巡經,即刻安慰事主,指示車上所有乘客落車,部份乘客同再圍觀市民仲齊齊幫手救人。
十幾個熱心勇士,義不容辭,捲起衫袖,夾埋警員同兩名交通督導員,約18人一齊合力將架小巴抬起,終於喺消防到場前成功將女事主救出,市民紛紛拍掌支持,女傷者事後坐救護車到醫院治理。
今時今日的香港,每日都有好人好事;抬車救人的18猛男,當時是點樣一鼓作氣呢?除左警員之外,仲有咩人幫過手?繼續留意即時新聞啦!