2011年11月發現C6有小三, 最後拖拉了一年我帶對仔女搬離99家(秀茂坪), 而家已經搬回娘家半年了(大埔村屋)及辦理離婚中, 大仔而家小學二年級, 當年小一派位唔好, 好努力叩門及寫信比校長最後取得第一志願學校取錄, 當年開心到不得了, 因學校是在觀塘區數一數二的好學校. 我每日送大仔由大埔出秀茂坪返學, 搭巴士再轉小巴由出門人到學校門口岩岩好一小時, 之後我就係九龍灣返工, 大仔放學時間係五點半, 我放工時間係7點左右, 所以我仔放學後會由99接去圖書館等我老豆6點到秀茂坪接回我仔, 回到大埔已經7點幾了. 我媽好反對我仔繼續係秀茂坪返學, 佢唔想我再同果家人聯絡及覺得我好自私要我老豆辛苦接送, 今個月我都有同我仔考插班試, 我揀了大埔比較好的小學 (但係都不及我仔現就讀的小學那樣好), 雖然大埔的小學未必收我仔, 但其實我心裡面真係有十萬個不月甘心, 當年辛苦了的都白費, 為何有好的小學都不能繼續讀下去, 已搵過保母車, 但他們並不走這路線. 請大家比D意見我是否真的要轉校? 我仲有個2歲的女.
傻豬大王 2005年6月27日 聯合出世 3.01kg/ 滿月~4.2kg/ 兩個月~5.8kg/ 三個月~6.5kg/ 四個月~7.1kg. 妹妹於2011年1月20日出世, 重2.79kg/ 滿月~3.92kg/ 兩個月~4.89kg/ 四個月~6.44kg/ 六個半月~7.33kg/ 一歲~8.61kg