ivanbb 寫道:
尋晚看"肥田", 見到許志安細個的時候, 因屋企窮, 時常很多小朋友應該有的東西都沒有, 又比其他親戚說你地咁窮看唔起你地, 當時自己好大感觸, 我自己細個的時候都經歷過, 屋企很窮, 沒有多餘的玩具, 甚至一件新衫都係奢侈, 又時常比d親戚一些好難看的面色, 現在雖然也偶然會覺得細個的時間失去很多, 但回想起自己原來是幸福的, 一家人都齊齊整整, 當時只要有少少新東西已經開心都飛起, 爸爸同媽媽都盡了自己做父母的責任, 現在我地都比很多親戚生活得如意很多(起碼會知足), 爸爸, 我一生人哭得最厲害的2次, 1次我估應該係我出世的時候, 我唔知道, 到現在你走的時候, 我也哭得很厲害, 但輪到你唔知道, 雖然以前你係屋企的角色很少(甚至我地有時都踩你), 但當你唔係度的時候, 我地就發覺去那裡都欠缺了點兒, 但我知道始終都要放手, 因我的生命是你同媽媽給的, 所以我會用盡每一分每一秒來延續你的生命, 不想因為想你而哭著過每一分每一秒, 我想你也不想我地這樣, 天堂的爸爸, 我愛你...