古法止咳秘方 - 燉橙2009年9月7日 下午12:45
公開
累計瀏覽次數 3769
15
古法止咳秘方 - 燉橙
一見到而個古法秘方, 係咪覺得好奇怪呢? 我聽見個陣既第一個反應都同你一樣....咩嚟架? 但...唔知大家記唔記得我上個星期開始已經病呀? 而家感冒好左, 但d咳呢, 就一發不可收拾, 喉嚨又痕! 最慘係夜晚訓唔到呀, 猛咁咳!
經韜韜既媽咪, 即係Auntie既suggest之後, 佢叫我試下佢地既古法秘方"燉橙"噃! 原來而個古法秘方, 係韜韜細個個陣咳, 睇極醫生都睇唔好, 之後Auntie聽人講試下而個燉橙方法, 一試.....又掂噃!
所以...有時古法既野, 雖然唔多明點解會works, 但只緊要works咋嘛, right?
星期六&星期日仲咳死既我, 琴晚食左隻燉橙之後, 訓已經訓得好好, 今朝起身都無乜再點咳啦 (少少當然都有, 但已經無左我一咳, 四圍既人都怕左我個種咳lu!)
材料:
做法:
- 先在橙的頂部切開, 加入鹽1/2 tea spoon, 之後把橙蓋回
- 把原隻橙放入燉盅內
- 以中火燉1個鐘頭零3個字就完成
食法(睡前暖食):
- 先將燉盅內已"bit"出的橙汁+橙油飲左佢 (<<<而d汁既味道係有少少怪)
- 再用spoon把橙內的橙肉及橙汁"but"出食用 (<<< ok好好味架, 當甜品食都一流)
真係要多謝Auntie既秘方, 因為真係好works, 再要多謝韜韜為我去街市買橙, 仲要燉埋比我食添!
如果大家or大家既仔仔女女越著咳, 睇極醫生
都睇唔好的話, 不防一試吧! 我已經為大家做左白老鼠, 試左, 真係得架!