收入好少既家庭應該生仔嗎?

火石
|
好多家庭總收入, 都係搵得幾千蚊一個月, 係一萬蚊樓下咁,
大家覺得這班人應該要小朋友嗎??
Asher
|
如果係我的話,我會生一個
小香香
|
如果住公屋..冇爭人錢...都可以生一個既
貝貝
|

除非本身唔鍾意小朋友啦...如果唔係...點都會生一個...最多自己慳d囉...
asgar714
|
又唔可以用錢去衡量生唔生小朋友既, 最重要係自己家庭覺得想唔想要小朋友 , 我相信小朋友喜歡生活在有愛的世界多過在只有物質的世界裡.
錢既野, 多有多使,少有少使,每個人既要求唔同 !
當然唔可以話差到三餐都愁啦 .
麟媽媽
|
咁要佢自己衡量喎!
如果住公屋,唔使挨出面貴租,
又或者兩公婆都唔使供養父母,
咁佢地安排錢方面會好D,
我覺得先要衡量一家收入與支出,
因為養細路點都係有固定支出,
唔可以話平有平養、天生天養等等,
如果未有BB 前都月月清,
仲要多生一個細既,
點平都要買奶粉同尿片架。
bigbighei
|
好同意!無論收入幾多都好!都要先計好晒開支,如果計過連同bb基本開支都好ok既咪生番個囉! 其他好似,衣服,鞋,玩具,課外活動咪睇住嚟洗囉!
麟媽媽 寫道:
咁要佢自己衡量喎!
如果住公屋,唔使挨出面貴租,
又或者兩公婆都唔使供養父母,
咁佢地安排錢方面會好D,
我覺得先要衡量一家收入與支出,
因為養細路點都係有固定支出,
唔可以話平有平養、天生天養等等,
如果未有BB 前都月月清,
仲要多生一個細既,
點平都要買奶粉同尿片架。
最緊要係自已想唔想有下一代先….如果想, 就唔應該單純睇有幾多收入而決定, 錢呢樣野睇你點駛既啫! 有人要400萬先養大一個小朋友, 有d人唔需要呢個天文數字都可以教養出一個孝順有用的仔女! 況且, 如果兩公婆係努力上進的, 就算今天收入微薄, 他朝可能經過一番努力會變成小康之家, 甚至大富大貴哩! 但係生仔的機會過左就冇架嘞!

我聽過一個真人真事, 話說有一對夫婦一直都好想生個仔, 點知生左8個都係女,個男人雖然好想再生, 但係生活担子實在太重,最後都冇再造落去, 點知後來個男人真係發左達, 錢多到真係養幾多個都唔駛憂…….但係果時佢老婆年紀已唔細嘞…..佢就好後悔當日無再追落去……
shah
|
my family is "收入好少既家庭"
but aready have one son la~~
:mrgreen:
麟媽媽
|
又唔可以咁講既,
呢位先生後悔係因為追唔到個仔,
咁佢有無企係班女立場諗呢?
8 個咁多,有錢供養便可以生?
咁比小朋友既親子時間呢?
每個女每日30分鐘,都要4 個鐘呀….
錢係一個問題,教育更是大問題,
生左唔教得掂,或是無時間教,
仲慘過無錢,影響社會更深遠!


yy&bb 寫道:
我聽過一個真人真事, 話說有一對夫婦一直都好想生個仔, 點知生左8個都係女,個男人雖然好想再生, 但係生活担子實在太重,最後都冇再造落去, 點知後來個男人真係發左達, 錢多到真係養幾多個都唔駛憂…….但係果時佢老婆年紀已唔細嘞...佢就好後悔當日無再追落去……
MrsTing
|
我之前都有同我個fd傾過d個問題. 係咪真係要搵好多錢先生bb好d呢? 但每個bb其實每個月要洗幾多錢呢? 跟本每個家庭去養bb都唔同, 有d要買d好貴既野比d小朋友, 有d平平地都ok. 如果你地定左話要搵幾萬蚊一個月先好生bb既話, 咁要用幾多年先搵到?? 可能當你搵到既時候, 你係咪仲係後生, 到時係咪真係想生bb呢? 到時可能到你後悔點解唔早d生? 有好多野都唔係咁樣諗, 唔通你真係搵唔到幾多錢就算有左bb都落左佢咩? 我諗好多人都唔會.
ellislui
|
我覺得唔一定話要賺幾多錢先可以生, 但, 要養一個bb真係需要d支出, 而家
召藥師
|
錢真係搵幾多都會嫌唔夠,好多時搵得黎都年紀唔細,冒住咁大風險生個有問題ge小朋友就真係欲哭無淚,害左自己又害埋下一代。如果真係想生就應該趁早計劃好,改哂d大洗習慣就自然有錢剩,當然連兩餐都憂冇得食,屋都隨時冇得住就千萬唔好生住喇!

我自己都算係收入少ge家庭,不過唔愁住屋問題,加上我同老公都唔係大洗ge人,自己又識好多野可以教番自己ge囝囡,再加上上網又搵到好多唔同知識,有耐性ge話教小朋友唔係難事。
susi1024169
|
我屋企都係月入無一萬...
但我覺得.....錢唔係最大問題,教係最大問題
小朋友既支出有限,你低收入,讀書那樣各樣都可以有津貼....
有d人好有錢,豐衣足食,但唔教唔理佢,只會害死個小朋友,
有d屋企好窮,個小朋友知道爸爸媽媽搵錢好辛苦,更加生性,唔使講唔使鬧都自動自覺做好功課,溫好書等爸爸媽媽放工
我所識既人之中,呢兩種家庭背景既人都有,反而窮家庭既小朋友比較生性,有錢既只會掛住玩,唔讀書,當然啦,總有例外,但屋企人點教小朋友係好重要!!!唔關有無錢事~
我而家都有一個仔,頭兩年都比較吃力,寧願自己食小d,都比最好既野佢,盡量上網學點教仔,個仔無人幫我湊,咩都親力親為,個仔有咩頭暈身興我都上bk請教呢度既媽媽,學多左好多野~!!
記住.....養唔難~教先至難~!!! :wink: :wink:
我知道我呢個例子其實唔係好切合而家的社會, 呢個其實係屬於我地阿爸年代的例子, 而家邊有人會生咁多個呢! 個例子可能係out左d, 不過我quote出嚟講, 係想指出生兒育女係有時限性的, 如果係想要小朋友的就應該趁有得生時生, 如果唔係左諗右諗,錯過生育的黃金時間就想要都難囉!

樓主個問題係針對家庭收入同生小朋友的關係, 咁我真係覺得唔係有直接關係囉!!收入少, 咪生少d囉!正如你所講, 生養係一個問題, 教育又係另一個問題, 收入少的唔等於小朋友的品行學業一定唔好, 又或者收入少的唔等於唔能夠抽時間陪小朋友學習;相反收入高雖然物質生活豐富, 但亦不等於夠夠抽時間作親子交流又或者小朋友成績就一定好………

[quote]
麟媽媽 寫道:
又唔可以咁講既,
呢位先生後悔係因為追唔到個仔,
咁佢有無企係班女立場諗呢?
8 個咁多,有錢供養便可以生?
咁比小朋友既親子時間呢?
每個女每日30分鐘,都要4 個鐘呀….
錢係一個問題,教育更是大問題,
生左唔教得掂,或是無時間教,
仲慘過無錢,影響社會更深遠!


utopian
|
我有個諗法: 一係唔生,一生就生兩個,因為我覺得兩個小朋友一起成長互相影響會較一個好!

但是生了一個家庭支出就會大好多,可能很難儲到錢,樓主的問題又出現...

大家有何睇法呢?
rainstarwater
|
我曾經都係咁,果陣我大肚,老公冇工做,由原本搵萬幾兩萬,跌到每月得幾千人工
我地租間屋二千蚊,好在老公返工有得食埋,我地真係好慳好慳,老公返夜班,我一個人就食通粉,有時買半斤菜同小小肉,都可以分兩餐食
到阿仔出左世,每月奶粉尿片一千左右,不過阿仔5月出世,我果陣間屋又少WINDOWS,成日都要開冷氣,最貴就係電費
後來老公轉左工,又加左少少人工,到個仔10個月大時我就出去打工,做左幾個月,發覺工人湊個仔唔掂,個仔成日病,我又冇做,如是者又過左成年,我又搵到份工時間幾好,又搬左屋,老公返夜班我返日班,兩個輪流湊阿仔,過左四個月,阿仔返學,之後我都有返工,後來我轉左工,又加左人工,阿仔就由阿媽湊放學,而我老公都轉左份工,唔洗再返夜,咁我地每晚都可以去阿媽屋企食完飯就帶阿仔返屋企
其實回想起,當年真係唔多夠錢用,有時見D野好靚好靚,都唔敢買,亦好在自己同老公都唔鍾意亂買野
不過,阿仔帶比我地實太多太多歡樂,阿仔的出世,亦令我學懂更多,而且我地都覺得,一個家庭如果冇小朋友就好似有所缺乏咁
生小朋友唔係用幾多錢去計算,最重要係大家都肯為頭家去付出,唔好到左要捱時,就各散東西或埋怨對方,總之大家肯付出,將來一定會有收成架!
happyhealthymum
|
恭喜你捱過左艱難日子,而家仲有餘$養狗tim
rainstarwater 寫道:
我曾經都係咁,果陣我大肚,老公冇工做,由原本搵萬幾兩萬,跌到每月得幾千人工
我地租間屋二千蚊,好在老公返工有得食埋,我地真係好慳好慳,老公返夜班,我一個人就食通粉,有時買半斤菜同小小肉,都可以分兩餐食
到阿仔出左世,每月奶粉尿片一千左右,不過阿仔5月出世,我果陣間屋又少WINDOWS,成日都要開冷氣,最貴就係電費
後來老公轉左工,又加左少少人工,到個仔10個月大時我就出去打工,做左幾個月,發覺工人湊個仔唔掂,個仔成日病,我又冇做,如是者又過左成年,我又搵到份工時間幾好,又搬左屋,老公返夜班我返日班,兩個輪流湊阿仔,過左四個月,阿仔返學,之後我都有返工,後來我轉左工,又加左人工,阿仔就由阿媽湊放學,而我老公都轉左份工,唔洗再返夜,咁我地每晚都可以去阿媽屋企食完飯就帶阿仔返屋企
其實回想起,當年真係唔多夠錢用,有時見D野好靚好靚,都唔敢買,亦好在自己同老公都唔鍾意亂買野
不過,阿仔帶比我地實太多太多歡樂,阿仔的出世,亦令我學懂更多,而且我地都覺得,一個家庭如果冇小朋友就好似有所缺乏咁
生小朋友唔係用幾多錢去計算,最重要係大家都肯為頭家去付出,唔好到左要捱時,就各散東西或埋怨對方,總之大家肯付出,將來一定會有收成架!
mclam
|
我未生阿女之前, 公一份、婆一份, 都叫做有小小錢剩。咁我自己諗, 如果生1個, 都ok 既, 阿女比人湊, 自己繼續做野。不過好多時自己係咁諗, 原來唔一定條路係咁行。生左阿女冇幾耐, 公司就執笠, 咁我迫住湊女, 阿女讀書啦, 好啦, 我又諗出返黎做野lu 喎, 可惜當時香港既經濟好差, 大學畢業都冇野做。咁我只好再湊下女先, 家陣阿女讀緊小學, 返全日, 又要送飯、又要接放學, 又要睇功課, 我想出黎做野都做唔到, 何況自己又1把年紀, 就算人地請你, 可能4、5千都冇。我究竟堅持出去做野幫補家計, 定係留係屋企湊女教功課呢?阿女d 功課越黎越深, 唔理佢既話, 真係追唔上, 但係屋企既環境又唔多好, 每個月都會為家用而煩惱, 我都唔知點算!?
比我重新再揀, 我唔會生囉!! :-(
B-bu
|
mclam, 你唔咁灰啦! 你已經都揍到個女上小學了. 再上到中學可能會好d. 起碼個小朋友識照顧自己. 咁你再出來搵工囉. 以你學歷找一份好工不難呀. 唔似得的咁一有左發現個c6欠銀行成身債, 我當差不多生比銀行收樓, 個c6還欠card數成數10萬完, 我大住肚真比佢激c左. 大住個肚搵樓般, 佢屋企人個個自私鬼, 唔肯出錢幫, 住又識得住. 到現在已4年啦, 我同老公還欠人錢, 但我都唔覺得辛苦, 因為我同c6見到阿仔什麼都唔記得什麼是辛苦了. 所以你唔好咁灰啦.
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽