唔該你先 
Teresa 寫道:
我呢牌成日都行傢俬舖, 因為我都要全屋換傢俬.
我上過shinway個網, 又比較過一d傢俬舖, 包括實惠 (我仲o係實惠影埋一d photos), 發現shinway同佢地既個款係一樣, 我相信佢地係出自同一個製造商 (應該都係大陸貨). 價錢黎講, shinway真係平d, 如果要成屋傢俬條數黎計, 都慳唔少.
我遲d會去佢地kwun tong個倉睇下. 不過如果你地有用過呢間shinway, 都報下料比我啦, 唔該.
Teresa 寫道:
我今日因為去開kwun tong, 順便上左去shinway.
佢地人手好小, 得幾個人, 幾乎係自助形式, 有office furniture, home furniture, 少量電器, 放到滿哂. 另外仲有成5-6部computer比人上網睇furniture.
佢地真係平架. display既furniture就真係樣板, 見佢quality應該係"中纖板" (即係蔗渣板好少少既板), 任睇任抄任攪. 有哂價錢呎寸, 仲有埋顏色samples... (不過網上既price就有分"中纖板"同"夾板", 當然係夾板靚d啦).
佢地既款基本上同地舖d細傢俬舖同實惠既一樣, 只係擺放比較密質質. 我睇岩一張sofa, 想問佢可唔可以轉真皮, 個staff都好好咁幫我問, 原來只係加$300. 另外, 我又問佢個"運費", 佢話就算係全屋furniture一次過買, 都係跟每一件傢俬訂左既運費計, 而運費亦都已經包埋安裝費.
我覺得ok呀! 雖然擺出黎既貨睇落比較殘, 不過見佢地都係一個"倉"咁, 有好多貨既組件仲係包住, 應該係d半批發既經營形式. 而佢地又唔會hardsell, 基本上你入去佢地唔會"吊"住你尾, 你鐘意坐下d sofa又得, 開下d櫃又得, 都幾free. 今日雖然係weekday, 都有十個八個人上去睇. 我今日逗留左成個鐘, 如果我唔問野, 基本上真係幾free, 自出自入!
發表於 
返回列表
