(1) 媽咪容易犯的錯誤 (2) 讚可以改正小朋友壞行為

LILY媽咪
|
講得好清楚明白, 我都要學懂唔好中阿女招.
IwanBB
|
SandraLo
|
..
maylaw0223
|
SandraLo 寫道:
各位:

以下心得我昨晚已post上「小朋友大脾氣,可以點教」個topic,為方便冇睇開該 topic 的媽咪及將來我可quote出來用,現在在此重覆:

各位靚媽:
復活節巨獻.......... 寫咗3晚,傻咗

响親子版幾個月,見咗眾多媽咪講嘅case,歸納起來,我覺得下面幾点係教仔時最容易犯嘅錯,你地参考吓,思考完之後,睇吓有冇新領悟:

(1) 而家d 媽咪太錫小朋友,俾好多時間佢地,即使冇好多時間嗰啲,都盡量遷就,同時間,媽咪嘅情緒亦極度容易被牽動,變成非常「互動」!
什麼是「互動」?我解釋為痴纏、互相影響同牽制雙方,一方動,另一方冇法靜!
「話」人呢樣嘢,係十個人十個都會中招,點解?因為我地自己細個時,阿媽都係咁「話」我地,我地被話十次,總有三次都係聽,便形成咗呢個「話」的文化,自己都係「話」大或者打大,當然話/打番自己嗰件。但時移世易,小朋友已經唔怕阿媽話同打,話得多,重慣咗,唔聽,甚至駁嘴 ,咁阿媽就重「興」,愈話愈嬲,愈嬲愈話,升級再鬧勁啲或者作警告式的話:你再唔XX我就咁咁咁做!但好可惜,呢個好多時只係一時之氣同想嚇佢,阿媽諗吓就知並不是想真係做,於是又變成講咗冇做,而阿仔亦好快咁洞悉個遊戲點玩,一係就知阿媽只係靠嚇,唔會真係做,所以可以 ignore阿媽,唔係就俾足反應阿媽,喊住咁叫佢唔好,話下次唔敢,阿媽當然無法抗拒呢種認錯嘅「好態度」,如是者,互俾反應、打完場之後,下次又照板煑碗,知錯但唔改,當之前嘅嘢冇發生過,就是這樣,不停的「互動」,不停的重覆!如果一個唔好彩,條靚重識講:媽咪你都唔錫我嘅!咁就重「腰」中阿媽個心,完全無法抗衡,唔識處理!

解決方法:唔好「話」,將言語糾纏減到最少,同時要[size=large]言出必行。

(2) 不少媽咪都話用 ignore 呢招,但實際上冇幾多人做得到,有啲就只係唔即時fulfil 個仔/女嘅要求,「話」吓佢地就當 ignore 咗,咁當然係唔 work;点解咁難?因為呢個係人嘅「自然反應」,叫唔係應囉,点解要唔俾反應?但係喊呢樣又係bb嘅「自然反應」嚟喎!?佢地未識講嘢個陣就用喊嚟表達,大大吓,發現一喊就有人理,同埋有好多 offer,咁梗係有理冇理喊咗至講啦!如是者,喊喊吓慣咗,阿媽唔即時俾我就唔啱啦,咁梗要升級啦,喊勁啲兼瞓落地囉……… 你唔想佢瞓地就唯有乖乖就範,咁下次,必然食過番尋味,有地瞓地,有啲阿媽知道咁落去唔掂,但又以為個仔真係「傷心」,又以為已經ignore過,重問唔係咁可以点…… 事實上小朋友喊,90%都唔係代表傷心,只係代表要求!

解決方法:媽咪 ignore 小朋友無理的要求時,唔須要表現嬲或唔開心,更加唔係鬧或者話,而係好和平咁俾一個訊息佢:呢樣嘢唔得就唔得,阿媽唔會因你嘅喊(或其他瞓地、扭、掟嘢行為)而改變!

(3) 好多媽咪讚時「就住就住」,怕讚壞;其實讚佢一個好嘅行為讚得多係唔會有問題,讚得多亦唔會自大,只會自信,因為係讚佢「一個好嘅行為」(例如有禮貌讚得多唔會變冇),而唔係讚一種能力,如果你讚佢捉棋或讀書叻,佢未識比較,讚得多以為叻哂,咁就唔止自大(自己以為自己好醒),到輸嗰時重好傷添!
除咗「就住」,重好容易响錯嘅時間讚,發揮不到原來的功效,例如試圖响佢發脾氣時話:bb好乖唔扭嘅;咁係冇用,又或者响讚時附加條件,例如話:你好乖喎如果可以XXX我就獎你啦 – 咁讚法就大打折扣,因為佢攞唔到「被讚」嘅甜頭,亦唔覺得呢個係你心目中嘅好行為,乜嘢係好行為嘅信息唔夠清楚、强烈,亦即係話你冇用到讚去 reinforce/ encourage佢去繼續呢個好行為!

解決方法:學識点讚

(4) 打 – 大家都明白唔好打,因為你打佢佢又學咗打人,可以打到幾大?到佢大個時係唔係可以打番你一鑊勁?我覺得偶一為之(尤其是bb唔知危險嗰啲),並非一定唔得,但如果要打,就一定要痛,重係好痛,否則唔好打!有啲媽咪/阿婆,好鍾意話打,慣手勢咁「撻吓」,就係最錯嗰隻!初初「撻」時,bb好似都驚,但好快就「還拖」,因為佢原來只係怕媽咪嬲,而唔係怕打(因為唔痛),到佢覺得自己重嬲過阿媽嗰陣,就打番轉頭!

解決方法:真係決定要打時,唔好嬲或者有情緒,要好平靜,講咗就要做,打親就要痛!
打過一次有效,唔好吓吓話打嚟嚇佢,如非必要,唔好再打,或者咁啦,一年最多打一次,重要唔好响其他人面前,要隻抽!

希望幫到大家,如有討論,可以去番「小朋友大脾氣,可以點教」個 topic,我分身不暇呀!
maxnjack
|
thanks for SandraLo of your valuable opinion... i will force myself to do it.
pinky00110
|
小小茉莉花
|

多謝分享
ballball411
|
Thanks
rach3piano
|
好多謝SandraLo咁詳盡列出,
有時真係覺得以靜制動好work, 人最驚係咩? 咪就係唔知會發生咩事囉。佢發脾四時等你「鬧」,你唔出聲咁, 佢仲驚以為媽咪真係嬲。

打呢樣我一向接受, 唔係叫你事無大小都炳佢, 而係最critical時, 比佢知道唔可以再犯事就打佢幾下, 自己都要心平氣和。不過有時又真係好鬼嬲, 但冇法啦。

hazelnut
|
msllau
|
Thanks for sharing
manyeebb
|
但如果對住一個16個月大既baby, 又可以點做呢??
佢又唔識聽, 又唔識講, 成日發脾氣, 我都唔識教佢
holamma213
|
我都好贊同SandraLo的講法,小朋友真係要讚多d咁先有自信。
SandraLo
|
manyeebb 寫道:
但如果對住一個16個月大既baby, 又可以點做呢??
佢又唔識聽, 又唔識講, 成日發脾氣, 我都唔識教佢


manyeebb :

你可以睇住呢度先→ H E R E
我知好多,要兩三個鐘至睇得哂,但你可以揀d 睇住先,再响嗰個 topic 度問啦!
問號mama
|
我自己最容易犯既就係控制唔到自己情緒,雖然唔係經常,但當有時唔夠瞓,病呀,都會咁,但之後都會反省&同個囡say sorry既.
shah
|
jesschen
|
多d休息或運動對你有幫助
amyhohohk
|
SandraLo:
謝謝你的分享. 雖然我的bb仲好細個(差不多6個月), 但我知道我宜家學定點教都適合喇... 因為我開始覺得佢識得扭計... 知道點樣可以扭到我地抱佢... 我真的很怕將來很難教好他, 所以好開心可以係到見到的分享.. 真的很有用... 希望對我bb都有作用啦.
tinamame
|
thx for sharing
BaByQ113
|
哇~ 好有心機好詳盡~
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽