倬倬。。。。。
呢個是你既小名，聽到媽咪一時叫你BB，一時叫你湯丸，又試過叫你芝麻，是咪覺得好亂呢？
響你三個幾月既時候媽咪已經想幫你起一個小名，唔想只是BB，BB甘叫你，你響媽咪心目中是唯一的，與眾不同的，你有屬於我對你既愛稱。不過，啉佐好多個名都系唔合適，有細細健啦，小米啦，芝麻啦，仲有D唔記得佐添啦，但是唔知點解，都沒你阿Uncle BL既“雪條”甘順口，又沒陳慧琳既“蝦餃”甘可愛，唔知系唔系要你出世啦先有更多既感覺去幫你起一個巖你又得意既愛稱呢？
你爸爸話，到時你個名都是要跟返家姐甘行倬字輩喔，所以響你胎齡六個幾月大，即系而家
，媽咪終于啉到叫你倬倬先啦，雖然唔算好得意可愛，不過都幾有意思，又順口。發覺起個小名都甘OUT頭，到時要幫你起名。。。。。
咪兩個選擇困難癥？
我幫你度個小名甘費盡腦汁，你就百厭星，成日都“逃避”媽媽既摸索之手，明明響到耍緊功夫，我一放只手上去你就玩木頭公仔唔比旭啦系咪呀？唔通媽咪溫柔既手手真系摸得你甘舒服，你一感覺到就即時安靜享受？你出世后真系甘乖乖就好拉。響你未有胎動既時候，媽咪已經好心急不停去感應什麽是胎動，成日想用手去感覺，但又怕甘樣對你唔好，后來睇育嬰書話撫摸肚皮都是同你既一種交流，也可以培養你既感知，不過呢就要由上到下，由左到右甘既動作，而且每次唔可以太耐，唔可以超過五分鐘。
到你宜家一時玩“太極”一時玩“連環拳”啦，媽咪就越黎越鐘意用手去感應你既你一舉一動，特別是你安靜不動，但是又硬硬地突起，有時是一小塊，可能是你的手仔或腳仔，有時就是一大塊，是你的頭仔嗎？還是你的脊椎？
而你，往往都是響我探究既興致意猶未盡既時候，就轉POST嘞
前兩日，媽咪甩牙呀。。。不過是一只之前補既爛牙仔，突然間甩佐補果一坲仔落黎，但是，都嚇我一驚，唔知呢個時候我是咪可以去補牙，會唔會對你有咩影響，如果唔正得，由得拒，又怕到時引發起牙痛食唔到野，又是大件事。個心真系離一離呀，倬倬！好彩打電話去牙醫診所，姑娘肯比我加號即日幫我睇，又好彩，原來六七個月是可以補牙，但孕早期或孕晚期就唔得啦。最后，靚靚醫生姐姐都是幫我用臨時材料填返個窟先咋，到你出世之后要再去認真檢查呢。
我就認為好好彩既啦，由一發現你既存在已經是一個好彩頭，好感恩，一路過黎睇住個手機APP，倒數你要出世既日子，由2百幾日到而宜得返90幾日，期間總系有呢樣果樣小問題，然而我既倬倬都好乖，沒令媽咪太辛苦。我地都要堅持呀，你繼續吸收多D，發育得強壯D，媽咪繼續咩煩事都拋之腦后KEEP住心寬歡
同健康既生活習慣。
一齊努力呀，倬倬！
