我家小主就黎9個月大啦,6個月開始加固,循序漸進感覺加得唔錯,佢食得好好呀,上午果餐基本上250ML一大碗可以食得曬
,開餐時間我地仍然堅持幫佢Mark低做好記錄,記得既話就會連去POO同埋教教豬的時間都寫低。近排發覺佢中午之后食奶胃口都好差,唔計唔知,原來由上個星期開始小主每日都食唔夠奶700ML,根據指引8個月既BB每日要食700-1000ML人奶或配方奶。閉啦,點解會甘既呢,那那林去個時間表上表找原因,原來只是一個小變化就可以響不知不覺間令佢一日食少佐一餐,由之前既四餐奶奶變佐三餐。
巖巖開始加固,我安排響中午果餐同晚上果餐,所以佢既開餐時間基本上是,
7AM 左右 奶
10AM 左右 奶
1PM 左右 加固
4PM 左右 奶
7PM 左右 加固
10PM前 食奶訓教
后尾我想將佢中午加固果餐時間調前到每日10AM果段時間食,啉住如果咩野食物不良反映既可以早D知道,又唔影響下午休息又唔會同大人食飯時間有沖突,因為佢食一餐都要搞成二十幾三十分鐘。但唔知道原來甘樣一調,每日既第二餐時間基本上都延遲佐成個鐘,又可能是固體食物會比較襟飽,到中午果餐奶就食得好差下食唔足7OZ,一個鐘內都唔肯再食,而且時間又是延遲佐,然后影響埋后面既時間,變佐下午食少佐一餐奶。
因為將加固果餐調前佐,但是未配合到果段時間既家務功夫,往往搞到小主遲佐開餐,幾乎變佐食中午,餓佐甘耐緊系好胃口啦,食一大碗頂住個胃,到中午果餐時間變佐下午茶加上食奶胃口好麻麻,跟住沖涼訓教,然后唔覺唔覺就又到五六點拉,少佐三四點果一餐。
好彩有數據記錄,有跡可尋,咪先都真系唔知,只是一個小小調動就令到成套野亂曬。呢個時間記錄表真系好有用,以后也會為珍貴的回憶留返比BB大個既時候“欣賞”