噚日星期六，真的好多嘢做呀!  出了街一整天。首先，去了香港圖書館聽了bk的講座，題目是「產後輕鬆每一天」，講及座月注意事項、夫妻關係及產後情緒問題。講座後，我和老公去了灣仔，我在coffee shop 食tea，而他就到電腦中心買了IP Camera，老公話好彩我冇跟埋去，因為果道好多人呀!  況且我自己都唔識，去唔去都冇所謂la。

最後一站，是黃埔，花老爺的新眼鏡有得攞啦!  真係very good!  因為我可以順路去黃埔既hallmark babies，因為兩天前在網上見到一個廣告，用一件舊衫仔可以換購指定既新衫仔一件，舊衫仔可當作hk$100，只需附hk$100以外的餘額，便可換購新衫仔一件啦!  除了舊衫仔會捐比救世軍，而所付餘額的一半，亦是會捐比救世軍作慈善用途。我覺得這promtion相當有意義呀，又可以捐出不合適既衫仔，又可以捐錢，又可以用平價錢買到衫仔比花小b，而我的舊衫來源，當然是人哋比既二手衫啦!

兩件tee shirt，每件都係付餘額hk$38，而褲仔就hk$78。(size:  1 yr)

背心外套只付餘額hk$38，好抵呀!  而厚厚既褲仔就hk$88，天冷一定唔係怕涷。 (size:  0-3mths)